(Reportajen Estaziadu Mariano Abi/Asistente Editor Hermenegildo da Costa Tilman)
Dili (Timor Post)–Atu responde ba velosidade liña internet ho kualidade iha rai laran, ohin Ministériu Transporte Telekomunikasaun (MTK) liu husi Autoridade Nasionál Comunikasaun (ANC sigla Portugés), atribui sertifikadu ba kompañia rua hanesan kompañia Kecifik Broadband, Unipessoal Lda, no kompañia Sacomtel Lda
“Atribuisaun sertifikadu ida ne’e, ho intensaun atu oinsá kompañia rua ne’e liga ba Infraestrutura Telekomunikasaun liberaliza Fibra Optika terrestrial, atu nune’e velosidade internet ne’e ho kualidade ne’ebé mak lentu, ita fiar katak, ho prezensa kompañia rua ne’e bele sai parseiru Governu ninian, hodi luta hamutuk atu responde situasaun refere ” Ministru MTK, José Agostinho da Silva, dehan ba jornalista sira iha salaun ANC, Merkadu Lama, Kuarta (15/06).
Nia dehan, iha Kompañia haat mak momentu ne’ebá investimentu iha Fibra Optika, no kompañia Sacomtel Lda no kompañia Sacomtel Lda mak ohin simu ona sertifikadu, signifika katak, sira prense ona rekizitu, ba iha aneksu B tuir artigu 30 dekretu Lei númeru 15, portantu sira prienxe rekizitu ne’e, administrativu no legais, entaun Governu iha devér atu bele atribui sertifikadu ba sira, atu nune’e sira hala’o sira nia atividade formalmente iha territóriu laran.
“Iha mundu ICT iha buat rua ne’ebé mak importante iha ne’ebá, ida mak ita bolu termus tékniku back bound, ne’e infraestrutura, análogu simples kada hanesan ita kanaliza karner net kanu, mais net kanu ne’e sei mamuk, nune’e ita liga ba parte sira ne’ebé mak seidauk iha ligasaun, liña internet”.
Ho ida ne’e, buat sira ne’ebé mak infraestrutura ou back bound seidauk preparadu, ne’e mak prense ho broadband, ne’ebé mak durante ne’e problema iha ita nia kapasidade ne’e, limitadu tebes iha parte Governu nian no setór privadu nian. Nia subliña
Iha fatin hanesan Diretór kompañia Sacomtel Lda, Salvador Tilman, agradese ba ANC tanba husi sira nia kompañia hetan sertifikadu ne’ebé mak rejistu ona iha aneksu B
“Ha’u agradese ba ANC liu-liu iha VIII Governu ida ne’e, tanba ohin ami bele hetan sertifikadu ne’ebé mak rejistu ba iha aneksu B. Nune’e hahú ba oin ami prepara atu halo serbisu ba operasaun ou infraestrutura liu-liu atu responde ba liña internet ne’ebe durante ne’e ema hotu halerik kona-ba liña ou rede internet,” nia afirma.
Diretór ne’e haktuir kompañia Sacomtel Lda, serbisu hamutuk ho PT Indonesia CommNet’s Plus (ICON+), ne’ebé mak sei dada Fibra Optika husi Kupang no Atambua (Indonézia) mai to’o Batugadé. Ho ida ne’e bele dehan katak, kuandu to’o Batugadé, ita sei fornese kedas Band Whit’s ne’e, 5GB per seken, ne’e iha etapa primeiru nian, ba etapa segundu ninian, sei ba tan to’o 10GB ou bele 100GB,” Hakotu. (Lee Notísia Seluk Iha Jornál Timor Post/ Asesu You Tube Timor Post).
1,853 total views, 6 views today
Bele hare Video Seluk :
Subscribe to Timorpost
