Sidadaun Lolotae Ida Lakon Iha Fronteira

by -1.212 views
Sezartino Pereira alias Sezar Bau (38) me'ebé lakon dezde 28 Abríl 2021 to'o agora seidauk fila uma. (Foto dokumentu privadu)

DILI (Timor Post) – Lakon tiha ona sidadaun Lolotae ida ho naran, Sezartino Pereira alias Sezar Bau (38) dezde loron 28 Abríl 2021 to’o 23 Maiu 2021 seidauk fila uma. Nune’e família husu tulun ba Polisia Nasionál Timor-Leste (PNTL) no hotu-hotu ne’ebé hetan karik atu lalais fo hatene.

Ba Timor Post Primu husi vitima Sezar Bau, Marcos Pereira konta kronolojia, Sezar Bau sai husi uma iha loron 28 Abríl 2021, maizu menus tuku 08:00 dader.

“Nia sai hosi uma iha Aldeia Atus, Suku Gildapil, Postu administravu Lolotoe, Munisipiu Bobonaro. Lao kilo metru maizu menus 6 to’o 7 hodi ba buka maek iha Aituan laran, pertense Foho Liawa hun, fronteira ho ho kampung Lakus, Kewar, Abis, Lamaknen, Atambua, Provinsia Nusa Tenggara Timur (NTT), Indonesia,” katak Marcos hodi hatutan.

Maibé to’o kalan tuku 22:00, vitima la fila ba uma. Nune’e loron tuir mai família sira ba buka nia. Maibé, dezde loron 29 Abríl 2021 família buka hela deit, lahetan to’o notísia ne’e hatun.

Sezartino Pereira alias Sezar Bau (38)

Sezar Bau moris nu’udar toos nain. Familia no komunidade durante ne’e ba buka iha toos no to’o foho hun. Maibé laiha sinais. Lalar hobur ka horon is foer ka ran.

Aldeia atus besik kedas iha fronteira entre Nasaun Timor-Leste ho Indonezia. Katak Marcos, ema hosi Indonezia dala barak husik sira nia animal tama estraga hotu aihoris iha to’os laran area Atus. No agora Timoroan lakontan.

“Ikus-ikus nee, maluk balun hosi mota sorin manda mensajen via WA katak vitima Bau Sezar hetan oho hosi ema iha mota sorin. Evidensia

SMS ema sira iha kampung Lakus, Lamaknen, Atambua, Indonesia. Tanba ne’e ami deskonfia sira mak oho,” tenik Marcos hodi hatutan.

Liu husi media, família no komunidade Lolotoe husu atu hato’o familia vitima no komunidade sira nia perkupasaun mak husu atu Estadu no Governu monta Postu Seguransa Fronteira ida iha ne’ebá.

Vitima Sezartino Pereira alias Sezar Bau idade 38. Vitima Nia feen kaben naran Eugenia Afonso. Vitima husik hela ninia oan hamutuk nain neen. (Lee notísia seluk iha jornál Timor Post)

No More Posts Available.

No more pages to load.