Sidadaun Italianu Alta Ona husi Klínika STAMFORD MEDICAL, Ajénsia TOMAK Servisu Hikas

by -201 views

DILI—Hafoin Ministériu Saúde anúnsia rejultadu teste ba italianu ho naran Matteo ne’ebé sai suspeitu ba virus Corona ka COVID-19 negativu, Klínika STAMFORD MEDICAL LDA Mandarin Dili liberta ona Matteo.

Matteo antes ne’e hela iha Hotel Timor, Dili, maibé hafoin sai husi izolamentu, provizoriamente hela iha Eis Prezidente Repúblika José Manuél Ramos Horta, iha Metiaut, Dili.

Fonte kredivél Timor Post haktuir, Matteo iha hela preparasaun fila ba Itália.

Matteo viajen ba Dili liuhusi Bali iha loron Domingu (02/03/2020) tanba hetan kontratu husi Embaixada Austrália iha Timo Leste hodi halo evaluasaun ba programa ajénsia Toos ba Moris Di’ak (TOMAK).

TOMAK nu’udar ajénsia internasionál ne’ebé halo parseiru ho Ministériu Agrikultura no Peskas (MAP) durante loron rua taka, maibé hafoin rejultadu teste ba italianu negativu, ajensia ne’e hala’o hikas atividade hanesan baibain.

Observasaun Timor Post iha edefísiu TOMAK ne’ebé lokaliza iha MAP, Komoro, Dili, funsionáriu sira hahú tama hikas servisu iha loron Kuarta (11/03/2020). Nune’e mós funsionáriu sira iha Embaixada Austrália no PHD no M&E House ne’ebé konsege hasoru ona italianu ne’e hala’o fali atividade normal.

Amostra husi Matteo ba halo teste iha laboratórium Darwin-Austrália. (cao)

No More Posts Available.

No more pages to load.