SEPS Sensebeliza Lei Protesaun Sivíl

by -122 views
Imajen ne’e hatudu jornalista sira entrevista hela Sekretáriu Estadu Protesaun Sivíl, Joaquim J.G dos Reis Martins. Foto Espesial

BAUKAU (Timor Post) — Ministériu Interior liu husi Sekretáriu Estadu Protesaun Sivíl (SEPS) hala’o sensebelizasaun lei protesaun sivíl ba entidades sira atu nune’e bele kumpriende didi’ak konteudu lei ne’e molok implementa iha baze.

Lei kona-ba protesaun sivíl hamutuk artigu lima nolu resin sia ne’ebé promulga husi Prezidente Republika iha loron 30 fulan Novembru tinan 2020 no vigor iha loron 1 fulan Janeiru tinan 2021. Lei ne’e rasik iha esplikasaun kona-ba situasaun tarefa, emerjensia, situasaun kona-ba kalamidade no mos kompetensias ne’ebé iha atu bele deklara situasaun.

Sekretáriu Estadu Protesaun Sivíl, Joaquim J.G dos Reis Martins ba Timor Post, Tersa (27/7) iha CCB vila-antiga subliña, lei protesaun sivíl ne’ebé sensebeliza daudauk atu fó prioridade ba bombeirus, jestaun risku dezastre, siguransa sivíl, protesaun sivíl, konsiste husi artigu 59 iha kapitulu hitu ne’ebé atu regula papel protesaun sivíl iha Timor-Leste ho lei siguransa nasional iha pilar tolu mak atu kompleita

“Hanesan ita hatene katak lei siguransa nasional iha pilar tolu mak tenke ser kompleta mak siguransa esterna, siguransa interna no mos protesaun sivíl, agora ita kompleta ona siguransa interna PNTL, siguransa esterna F-FDTL no protesaun sivíl, agora ita kompleta protesaun sivíl nian ne’ebé promulga ona ita nia nai PR tanba ne’e agora dadauk ita sosializa ba lei protesaun sivíl”, dehan Joaquim.

Iha tempu hanesan, prezidente autoridade munisipiu Baukau, Olivio Freitas hateten senti kontente tebes ho sosializaaun lei protesaun sivíl ne’ebé halao husi SEPS tamba komunidade barak mak presija lei protesaun ne’e ,wanhira sira hetan susar ruma.

“Nu’udar autoridade munisipiu hau kontente tanba ita nia komunidade barak liu mak persiza iha lei ne’e atu fo protesaun husi lei ne’e, agora Prezidente da Republika promulga ona tiha ona halo sensebelizasaun ba povu para povu hotu-hotu hatene husi lei ne’e wainhira sira hetan susar ruma”

Reprezentante xefe suku 59 Rui Sertude Magno Siquira hateten lei protesaun ne’e importante tanba objetivu husi protesaun sivíl bainhira ko’alia kona-ba ema no natureza, ema no animal tanba dala barak ema halo buat hotu kontra natureza nia ejistensia.

“Hanesan ema husi SEPS hakarak proteze buat hirak ne’ebé iha ninia rai leten iha teritoria nasional, ida ne’e sinal pozitivu baa mi autoridade lokal tanba ne’e hanesan edukasaun sivik ida itya nia sekretariu estadu lori mai hato’o ba ninia lideransa sira iha munisípiu, postu administrativu inklui ami sira ne’ebé husi suku atu ami sai edukasdu atu lori fali lei ne’e baa mi nia inan aman iha baze sei implementa didi’ak”, dehan PAM Baukau.

Hola parte iha sensebelizasaun ba SEPS ho nia ekipa, PAM ho nia funsionariu hotu, xefe suku inklui sosiadade sivíl. (gut)

No More Posts Available.

No more pages to load.