SEPS Realiza Semináriu Internasionál Reflete ba Akontesimentu Inundasaun Tinan Kotuk

by -236 views
Sekretáriu Estadu Protesaun Sivíl (SEPS), Joaquim Gusmão. Foto Espesial

(Reportajen Jaime Pires/Editor Mateus da Cruz)

Dili (Timor Post)- Sekretaria Estadu Protesaun Sivíl (SEPS), ohin, realiza semináriu internasionál hodi halo reflesaun ba akontesimentu inundasaun 04 Abríl 2021 ne’ebé hamosu estragu no populasaun barak maka sai vítima.

“Semináriu ne’ebé mak ohin organiza hodi halo reflesaun ba vítima dezastre sira ne’ebé mak akontese iha tinan kotuk liubá ne’e,” dehan Sekretáriu Estadu Protesaun Sivíl, Joaquim Gusmão iha Hotel Timor, Tersa (05/04)..

Nia hatete, semináriu ne’e realiza tanba Protesaun Sivíl hetan apoiu husi governu Austrália liuhusi nia Embaixada iha Timor-Leste, hamutuk ho Forsa Defeza Austrália nian iha Timor-Leste inklui mós Forsa Defeza Amérika nian, ne’ebé mak dezeñu no implementa semináriu ba ohin loron nian.

“ohin ita Konvida ita nia parseiru sira hotu hodi mai fahe esperiénsia sira, entaun ita nia parseiru sira husi Japaun, Portugál, Austrália no Amérika sira sei hato’o sira ninia  aprezentasaun hodi fahe sira nia esperiénsia, inklui ita nia PNTL no F-FDTL, inklui SEPS no liña Ministerial balun, hodi ita bele hare ba oin ne’e saida mak halo hodi hasoru situasaun sira dezastre iha tempu tuir mai,” hateten Nia.

Tanba ne’e sei halo uluk mitigasaun no intervensaun antes dezastre ne’e atu akontese, ho ida ne’e F-FDTL no PNTL mak sei servisu hamutuk ho parseiru sira ne’e.

“Ida ne’e mak objetivu halo semináriu nasionál hodi fahe esperiénsia husi nivel nasionál to’o nivel internasionál husi ita nia Parseiru sira,” deklara Joaquim.

Nia dehan, uma kain hamutuk rihun 31  resin mak sai Afetadu ba inundasaun no dezastre naturál iha tinan kotuk 2021.

“Vitimas dezastre komunidade ne’ebé mak afetadu iha tinan kotuk totál iha teritoriu tomak hamutuk 31 Mill resin, no sira ne’e ita fó hotu ona apoiu emerjensia hanesan hahán no mós la’ós hahán,” dehan Nia iha Hotel Timor, Tersa (05/04).

Balun ne’ebé mak foin apoiu material ba rekooperasuan tanba, iha Orsamentu Jerál Estadu 2021 nian tau de’it ba iha  familia rihun tolu, maibé dezastre ne’e akontese liu tiha rihun lima ba leten.

Entaun agora fó ona ba familia rihun tolu maibé testu ne’e sei tama ba iha OJE 2022 nia, agora prosesu ona atu bele fó lalais ba vitíma sira.

Enkuantu semináriu ne’e sei realiza iha Hotel Timor, durante loron tolu, hahú husi ohin Tersa (05/04), enkuantu remata sei aumenta tan loron tolu hodi foti desizaun hamutuk atu bele halo livru ida hodi sai hanesan matadalan ba risku dezastre natural.(Lee notisia seluk iha Timor Post/Asesu You Tube Timor post)

No More Posts Available.

No more pages to load.