SEPS Realiza Misa Solene Hanoin Hikas Akontesimentu Siklone Tropikál 04 Abríl

by -267 views
Sekretáriu Estadu Protesaun Sivíl (SEPC-Sigla Portugés), Joaquim José Gusmão dos Reis Martins

(Reportajen Germandina Xavier/Asistente Editor Hermenegildo da Costa Tilman)

Dili (Timor Post)—Sekretáriu Estadu Protesaun Sivíl (SEPC-Sigla Portugés), liu hosi Diresaun Jerál Protesaun Sivíl,  Joaquim José Gusmão dos Reis Martins, hatete, objetivu misa solene ohin nian maka halo reflesaun ba tinan ida akontesimentu siklone Tropikál ne’ebé mak fó impaktu ba populasaun sira iha kapitál Dili.

“ita hahú ho misa solene ba vítima sira ne’ebé afeta ba inundasaun, liu-liu ba vítima sira ne’ebe lakon vida balun hetan no balun la hetan depois kontinua konvoi no kampaña sensibilizasaun, Kari Ai-funan” nia dehan lia hirak ne’e ba jornalista sira hafoin remata Misa iha Igreja Parókia Saun José Ai-Mutin, Segunda, (4/04).

Nia dehan, Inundasaun 04 Abríl tinan kotuk hatudu ba ema hotu katak dezastre sempre akontese iha kualkér oras, no tempu ne’ebé ema hotu la hatene. Ho akontesimentu ne’e fo hanoin ba ema hotu atu tenke iha nafatin sensibilidade sai hanesan ponte de atensaun kuandu akontese tenke preparadu nafatin.

“Papél importante protesaun civil mak kuandu akontese dezastre ita ba salva ema nia vida, ita iha devér para fó hanoin kuandu atu muda sira ita labele servisu mesak sempre servisu hamutuk ho Ministériu sira seluk ne’ebé relevante entre Ministerial,” nia dehan.

Entretantu, nia dehan, durante ne’e Timor Leste hetan apoiu maka’as mai husi parseiru sira ba dezastre ne’ebé nasaun ne’e enfrenta. (Lee Notísia Seluk Iha Jornál Timor Post/Asesu You Tube Timor Post)

No More Posts Available.

No more pages to load.