SEMI-PREZIDENSIALIZMU HO MULTIPARTIDARIZMU IHA TIMÓR LADÚN KONTRIBUI BA ESTABILIDADE GOVERNATIVA MANDATU IDA TO’O ROHAN

husi -238 views

Versaun Tetum hosi Parte II

Hakerek na’in: Tomás Maria Nunes

Email: [email protected]

 

Rezumu

Há’uhanoinprezidensializmukompativelho ita nia situasaun real em relasaun ho mentalidade sira no permite ba nasaun hetan estabilidade governativa, evita eleisaun bara-barak, reduz kustu demokrasia, hamenus konflitu iha eleisaun no la trava malu naba-naban iha prosesu governasaun. Nune’e mós ita nia lei sira fó dalan, bele muda sistema governu, bainhira ho inisiativa hosi deputadu sira (CRDTL art. 154) no presiza maioria husi 2/3 (CRDTL art. 155). Atu halo alterasaunbaprezidénsializmula’osklaúzula pétrea, kala’os limite atu halo revizaun CRDTL art. 156 nú. 1. Únika proibisaun bainhira iha situasaun emerjénsia (CRDTL art. 157), se iha legalidade, nusálaholainisiativaatu debate? Ita hotu hatene katak ekonómia no dezenvolvimentu atu la’o di’ak no iha progresu boot, presiza estabilidade governativa.

REPÚBLICA DEMOCRÁTICA DE TIMOR-LESTE, HO NIA FORMA GOVERNU; REPÚBLIKA, REJIME POLÍTIKA; DEMOKRASIA, FORMA ESTADU; UNITÁRIU NO SISTEMA GOVERNU; SEMIPREZIDENSIALIZMU

Ho naran nasaun nian hatudu mai ha’u nia signifikadu boot tebes, ho forma governu; Repúblika, ne’ebé ita adota, governu ne’e povu mak hili, liafuan Repúblika ne’e mai hosi Latinres públika ka sasán komun. Uza hodi administra sasán públiku ba interese komun.

Ita nia nasaun adota rejime polítiku; Demokrasia, nune’e demokrasia katak ukun ne’e povu nian, mai hosi povu ho povu no ba povu, hatetenAbraham Lincoln. Tanba ne’e, ohin loron ita defende demokrasia iha Timór, ita nia governu defende no permite hodi rona, simu hanoin oi-oin, liberdade espresaun, direitu ba igualdade iha sosiedade. Maibé iha kontextu ida ne’e, primeiru mak ita luta ba estabilidade demokrasia iha prosesu governasaun, presiza governu ida ho estável atu ukun to’o mandatu hotu. Dala barak ita hanoin demokrasia mak iha eleisaun ka demokrasia mak prosesu ne’ebé deside iha eleisaun nune’e kada tinan lima iha eleisaun ba presidente repúblika no parlamentu.

Tanba ne’e demokrasia la’os de’ít vota kada tinan lima, nia ezije partisipasaun ba estabilidade hosi vontade popular, ne’e mak efitivasaun husi politika públikas ne’ebé defende husi governu eleitu. Iha Timór ita adota tan multipartidarízmu (CRDTL art. 7), nune’e bainhira kandidatu ida lakonsegueliu 50% ihaeleisaun, no kazu presidente, tenki hakat ba segundu turnu (CRDTL art. 76, nú. 2, 3). No mós iha eleisaun parlamentar, partidu balun nia militante sira radikál tebes, la simu diverjénsia hosi partidu seluk, la aseita lakon nune’e iha rezultadu sempre konfrontu, hetan estragus uma, nsst, ezemplu iha Venilale 2018 depois de reeleisaun, nsst.

Maske liu tiha eleisaun prezidénte no parlamentu, hanesan multipartidarísmu susar tebes partidu ida ukunmesak, hanesantemi tihaona iha artigu dahuluk iha ajénsia Timór News, loron 20 Juñu liu ba, nia alternativa mak halo koligasaun, tuir konstituisaun haruka, maioria absoluta mak bele forma governu no indigita nia PM hafoin PM hili nia membru sira (CRDTL art. 106, nú. 1, 2). Maibé se bainhira PR ho PM partidu lahanesan bele implika ba nomeasaun bele demora liu tan, tanba rua ne’e tenki konkorda malu, ida ne’e mak akontese, ezemplu; iha oitavu governu ne’ebé tinan rua resin moris ho inserteza polítika, implika ba ekonomia rai laran monu 10% hafoin forma governu.

Iha 2002 eleisaun dala rua, prezidensiál no parlamentar, maibé governu la dura to’o mandatu hotu, iha 2007 eleisaun dala tolu, eleisaun PR dala rua no parlamentar dala ida, 2012, eleisaun dala tolu PR dala rua, parlamentar dala ida, maibé governu nia mandatu la to’o rohan, remodelasaun, 2017 no 2018 eleisaun dala tolu, PR,  no parlamentar dala rua gere tan impase polítika durante tinan rua implika boot ba ekonomia, iha formasaun governu liu-liu órgaun tolu ne’ebé mai hosi prosesu demokrasia, temi tiha ona iha artigu dahuluk.

Maske independénsia tinan 18 ona, maibé ita hasoru difikuldade boot atu hetan governasaun ida estável no metin to’o mandatu hotu. Difikuldade sira ne’e hatudu katak ita nia sistema atuál la a favor, semi-prezidénsializmu.

Há’u hanoin prezidénsializmu kompativel ho ita nia situasaun real em relasaun ho mentalidade sira no permite ba nasaun hetan estabilidade governativa no evita eleisaun bara-barak, no la trava malu naba-naban iha prosesu governasaun. Tanba prezidensializmu xefe estadu (PR) no xefe governu ema ida de’it, eleisaun dala ida kada períodu, prezidénte ho membru governu simu pose iha momentu hanesan, nune’e mós membru órgaun lejistativu sira.

Iha prezidénsializmu, kandidatu prezidénte sira la konsegue manán maioria, sei hakat ba segundu turnu, nain rua ne’ebé hetan votos barak liu (CRDTL art. 76, nú. 3). Dalan ida ne’e iha tanba hametin garantia konstituisionál multipartidarísmu iha Timór.

Ita adota Sistema Prezidénsializmu iha Timór karik, hanesan nasaun ne’ebé adota forma de estadu unikamerál (CRDTL art. 1). Prezidénte eleitu livre hosi povu (obedecido parâmetro de legalidade e moralidae) membrugovernu sira simu pose iha momentu hanesan ho PR, situasaun lahanesan ho ohin loron iha Timór, maske liu tiha eleisaun prezidensiál (xefe estadu) tuir mai eleisaun parlamentar maioria absoluta ka koligasaun hili nia PM (xefe governu) nomós PM hili ninia membru sira (CRDTL art. 106 nu. 1, 2), maibé la konsegue forma governu ho efetivu.

Ha’ukompriendekataksemi-prezidensializmufasilitaimpasepolítika iha momentu hili PM nomós nia membru sira ne’ebé implika ba krize polítika, instituisionál inkluzivu ekonomia, hahú hosi governu dahuluk kedan.

Ha’u reafirma tan katak, indepéndensiatinan 18 ona, IV governukonstituisionálde’ítmakmandatuto’orohan, sira seluknakonu de’ít ho diverjências polítikas hosi órgaun soberania tolu; lejislativu, ezekutivu no prezidénte. Realidade mak mosu bebeik instabilidade demokrasia iha Timór, buat sira ne’e akontese tanba ita nia sistema fasilita,lei sira fó dalan, temi tiha ona iha artigu dahuluk.

Tanbá saída ita mantén sistema ne’e?

Ha’u nia pontu de vista analítika polítika júridika sistema governu semi-prezidensializmu ne’ebé ohin loron ita adota la kondiz ho realidade Timór nian. Ita nia sistema aprezenta kustu demokrasia ne’ebé boot tebes liga ba eleisaun prezidensiál ho parlamentar, gera tan konflitu hosi militante no simpatizante partidu politika sira, no iha rezultadu nakonu ho konfrontu nune’e vingansa polítika boot liu tan, implika ba nasaun no povu sira ne’ebé presiza tebes estabilidade governativa.

Tanba ne’e, ha’u fiar katak prezidensializmu hanesan dalan ne’ebé viávél, bele adota, hanesan nasaun unikameral, estadu unitariu, fasil ba governasaun prezidensialista, apar ho ita nia mentalidade sira, sistema refere la fó dalan atu hetan impase naba-naban hanesan ohin loron, nune’e tuir estudus aprezenta katak prezidensializmu kustu demokrasia la boot hanesan semi-prezidensializmu.

Iha sorin seluk, hanesan ita adota demokrasia ida ke formasaun governu depende ba eskolle husi povu, tanba iha demokrasia poder mai husi povu entaun ezige kampaña eleitorál ba eleisaun PR nomós parlamentu ne’ebé komplika loos orsamentu estadu, razãun formasaun governu no multipartidárízmu.

Hanesan ita hotu hatene, hahu hosi IV governu konstituisionál sempre ho governu koligasaun, maibé maioria la dura to’o mandatu hotu, 2014, 2017, 2018 to’o 2020, nia konsekuensia sira temi ona iha artigu dahuluk.

Iha parte seluk, iha ita nia realidade, prosesu atu hili governu foun ne’e la’o ho eleisaun tuir dalan demokrasia lori disputa eleitorál, maibé dala barak mosu konflitu, atake oi-oin, no la’os programatiku kasu prezidensializmu, sei mantén kada períodu, eleitor vota ba prezidente nomós membru parlamentu iha tempu hanesan, depois de eleisaun la iha tan diskusaun atu hili primeiru ministru, prezidénte simu pose iha momentu hanesan presidente fó posse membru governu sira.

Ita nia lei sira fó dalan, bele muda sistema governasaun, bainhira ho inisiativa husi deputadu sira (CRDTL art. 154), no presiza maioria husi 2/3 (CRDTL art. 155). Atu halo alterasaun ba prezidensializmu la’os klaúsula pétrea, ka la’os limite atu halo revizaun (CRDTL art. 156 nú. 1). Únika proibisaun limitasuan bainhira iha situasaun emerjénsia (CRDTL art. 157), se iha legalidade, nu’usalatauquestaunatu debate? Ita hotu hatene ekonómia no dezenvolvimentu atu la’o di’ak no iha progresu boot, presiza estabilidade governativa no estabilidade demokrasia.

Importante tebes, ita haree katak nasaun barak iha kontinente Amerikanu maioria adota presidénsializmu. Estadus Unidos Amerika nasaun ne’ebé hanesan referénsia mundiál, prezidénsializmu antigu liu iha mundu, populasaun terseiru barak liu iha mundu, 329 miliaun (2019), Brazil, populasaun liu 211 miliaun (2020) sextu lugar populasaun barak iha mundo, jeografikamentekintu lugar ihamundu, adota prezidénsializmu, nune’e mós Angola no Indonézia. Ohin loron ita adota sistema hanesan de’ít ho Portugal maibé la’os obrigatóriu hanesan ita halo daudaun ne’e, adota modelu prontu, presiza haree mós ba ita nia realidade.

Nasaun sira ne’ebé ho sistema prezidénsializmu, prosesueleitorál simples loos, niakustudemokrasiala boot hanesan semi prezidensializmu iha Timór. Ezemplu; Iha Brazil, eleisaun prezidénte la’o hamutuk ho parlamentar. Prezidente eleitu hanesan sistema majoritariu (mais votadu 50%+1) no parlamentu sira eleitu hanesan votu proporsionál.

Sistema proporsionál iha eleisaun parlamentar lori balansu boot ba partidu sira no respeitu pluralidade ba legislativu tanba nia bele minoria no partidu ho nia eleitores uituan bele moós elege sira nia reprezentante iha parlamentu. Sistema ida ne’e konta hotu votus husi kandidatu sira iha partidu atu alkansa konsiente eleitorál atu asesu ou lae ba parlamentu.

Tuir CRDTL art. 85 to’o 88, PR nia knaar ne’e uituan no bele fasilita impase, poder sira ne’e PM mós bele halo, bainhiraihakompeténsia, kasuprezidénsializmu, se la’emakhusibaze legal sira ne’e bele implika governu nia mandatu, hanesan akontese ona 2018 to’o 2020, gere impasse, ita moris ho inserteza polítika durante tinan 2.

Hanesanha’u temi tihaona, Repúblikasemi-prezidénsializmu timorensemakrepúblika ida ne’ebé ita adota sistema governu hanesan ho Portugal, buat ne’ebé halo ha’u la konkorda mak ita nia liñajem sira iha konstituisaun hanesan de’ít ho Portugál, ezemplu; PR eleitu hosi surpraziu direitu no universál ba mandatu tinan 5, sistema eleisaun la’o dala rua, se bainhirakandidatu ida lakosegueliu 50 %, kandidatu rua ne’ebévotusbarakliuhakatba faze daruak, (CRDTL art.76), nune’e mós iha Portugal. Ita PR niakompeténsia limite, nia nomeia PM (CRDTL art. 85), veto ba lei, orsamentu, disolveparlamentu.Nsst.

Deputaduihaparlamentunasionálhonúmeruki’ikliu52 no barakliu 65 (CRDTL art. 93, nu. 2), hili hosi surpraziu universál, votu livre, sekretu (CRDTL art. 93 nu. 1), liuhosimétoduhond, mandatutinan 5(CRDTL art. 93, nu. 4). Ihaniaklaúzulane’ebéhaturona partidu se de’ít ka koligasaun hetan 4 % votus válidus, asesu ba parlamentu, normalmente hala’o mós eleisaun iha rai li’ur hanesan Australia, Korea do sul, Portugal no Reinu Unidu (eleisaun 2017, 2018).

Ita nia sistema atuál sempre gere konflituinstituisionais, implikabaorsamentu.Se lolosne’e,foiniha IV governu konstituisionál, maibé problema beibeik, ita to’o ona VIII governu. Lolosne’etuirkonstituisaun, hakat ona ba IX governukonstituisionál, maibéhanesan alternativa polítikahanaran “governu de viabilizasaun” asegurade’ítrestumandatugovernunianne’ebého postura governu boot liu fali nasaun boot sira.

Hosikrize sira ne’ebémarkantetebesiha sistema governune’ebékonsekuensiahosidiverjénsiaPrimeiruMinistru no Prezidéntene’ebé hamosu krize instuisionál, ekonomia to’o guerra sivil, 2016.

Ita nia realidade ohinloronla diferente, hahuhosi 2017 to’o 2020 gere de’ítimpasepolítikane’ebé hasusar ita nia governu atu hetan estabilidade governativa hodi lori dezenvolvimentu lalais ba rai ida ne’e.

ItahareenasaunTimórne’eki’ikhanesanilla ida, raipedasuk ida,hosimunduniamatan, populasaunuituan no riku iha rekursu naturais. Maibé atu hadia kondisaun nasaun nian presiza estabilidade governativa ida ne’ebé ho dalan viável atuezekutadidi’ak ita niapolítikapúblika sira, no gere didi’akrekursushirakne’ebé ita iha. Ho sira ne’e hotu, ha’u fiar katak sistema ne’ebé viavél mak sistema governu prezidénsializmu.

Ha’u hatene katak ita hahú halo mudansa ba sistema ne’e susar, maibé ita koko tanba sistema ne’e hatudu ona iha nasaun seluk katak efetivu. Difikuldade ne’ebé hatudu mai ita tinan 24, ita hamutuk konsegue manan ita nia luta hosi Indonézia, ho objetivu ida de’ít. Entaun, ita hamutuk fali atu alkansa ita nia dezenvolvimentu lalais, ita hahú tan dezafiu foun mak estabilidade governativa ne’ebé sei maiho sistema governuprezidénsializmu, tanba sistema refere fasilitahalakonimpasepolítika. Ita presiza sistema ida ke iha efikasia atu harii governu ida ho estável atuloridezenvolvimentula’olalaisbapovu.

 

NB:artigune’epublikatiha ona ho lian Portugués, iha loron 20 fulan Jullu 2020.

Obrigadu.

Uberlândia, Jullu 2020.