Isabel Ruak: “Valoriza Malu Nu’udar Fiar Nain”

by -739 views
Primeiru Ministru Taur Matan Ruak ho Nia Kaben, Isabel Ferreira hamutuk ho oan na'in haat, fezteja loron internasional familia Nian hosi pamfletu fotografia. (Foto TP/IRF)

(Reportajen Rosa Garcia)

DILI (Timor Post) – Loron 15 fulan Maiu tinan 2021, hanesan loron Mundial ba familia. Maibé tanba pandemia Mundial ida ne’e ita labele selebra ho familia sira seluk nomos halo missa hodi selebra loron Mundial familia nian, informa Isabel da Costa Ferreira ba Timor Post ,Sabadu (15/04).

Tuir Xefe Governu Nia kaben nee tan, kata tanba ne’e ba familia Timor oan hotu iha Timor-Leste no iha Mundu atu selebra ho jestu simples.

“Mai ita selebra ho jestu simples fó atensaun ba ita nia familia no valoriza ita nia familia ho valores no prinsipiu hanesan ema fiar nain hodi moris tuir de’it Nai nia hakarak no ukun fuan sira. Atu hatene respeita malu,hadomi malu, hakraik an, honestu no tulun malu iha tempu diak no tempu at nia laran”, Afirma

Jurista ne’e mós husu atu ema buka banati tuir ejemplu Familia Nazare nian. “Parabéns ba loron Mundial ba familia Timor oan sira hotu iha Rai laran nomos iha Mundu, husu Nai Maromak atu akompaña ita hotu nia familia atu hamutuk iha Jesus Kristu nia domin iha dalan ba fiar, esperansa no karidade ho espiritu gratidaun no agradese , fahe mós ba sira ne’ebe presiza nai nia tulun “, afirma tan.(Lee nutisia seluk iha jornal Timor Post)

No More Posts Available.

No more pages to load.