Selebra Aniversáriu ba Dala-9, Telkomcel Oferese Karreta Ambulánsia ba Ministériu Saúde

by -311 views
Serimónia entrega xave simbolikamente husi CEO Telkomcel, Yogi Rizian Bahar ba Ministra Saúde, Odete Maria Freitas Belo. Foto Espesial

Dili (Timor Post)—Kompania Telekomunikasaun Indonesia International, S.A. (Telkomcel) iha loron 17 Setembru tinan 2021 kompleta ona tinan sia hala’o servisu telekomunikasaun iha Timor-Leste.

Selebra aniversáriu ba ba tinan ida ne’e, Telkomcel  liuhusi servisu Corporate Social Responsibility (CSR) Program hala’o asaun karidade ne’ebé koñsidu ho naran “TelkomcelCare” maka, iha loron 13 Setembru 2021 oferese karreta ambulánsia unidade ida ba Ministériu Saúde TimorLeste.

Kondisaun karreta ambulánsia ne’ebé Telkomcel entrega ba Ministériu Saúde. Foto Espesiál

Seremonia entrega karreta ambulánsia hala’o iha edifísiu Ministériu Saúde Timor-Leste no entrega direitamente husi Chief Executive Officer (CEO) Telkomcel, Yogi Rizkian Bahar no simu direitamentet husi Ministra Saúde (MS) Timor-Leste, Odete Maria Freitas Belo, iha kna’ar fatin, Palácio das Sinzas, Kaikoli, Dili.

Fasilidade karreta ambulánsia unidade ida ne’e tuir standar international ho rekejitu espesifiku husi Ministériu Saúde.

“Espera fasilidade ida ne’e bele ajuda no supporta di’ak liu tan prosesu atendementu ba pasiente covid-19 ho nia tipu no variante foun ne’ebé maka sai hanesan perkupasaun global,” CEO Telkomcel, Yogi Rizian Bahar subliña liuhusi komunikadu ba imprensa ne’ebé Timor Post assesu.

Yogi Rizian hatete, Telkomcel hanesan parseiru dezenvolvimentu ba nasaun RDTL, sei iha komitmentu nafatin apoiu Governu Timor-Leste liuhusi Ministériu Saúde atu nune’e bele ajuda no supporta  di’ak liu tan servisu Ministériu Saúde hodi aselera presesu  atendementu ba pasiente moras covid-19 ne’ebé maka agora dadaun nia numeru pasiente sa’e maka’as iha Timor-Leste.

“Ami espera katak ajuda husi ami hotu família boot Telkomcel ida ne’e bele apoiu no ajuda aselera movimentu pasiente moras covid-19 ba hospital ho lais,” Yogi Rizian hatutan.

Foto karreta ambulánsia ne’ebe entrega. Foto Espesial

Sermonia entrega karreta ambulánsia unidade ida ne’e, hanesan kontinuasaun husi programa Corporate Social Resposibility (CSR) kompania Telkomcel nian ne’ebé konsistete no konesidu ho naran “TelkomcelCare” husi etapa permeiru iha fulan Fevereiru tinan 2021, Telkomcel apoiu makina  ventilador hanesan makina ajuda ba prosesu respiratorio, iha fulan Junho tinan 2021, Telkomcel ajuda makina GeNose-19 hanesan ekipamentu hodi identifika infeksaun virus Covid19 ho lalais, no mos  agora iha ambitu selebrasaun loron aniversairu Telkomcel ba dala-9, Família bo’ot Telkomcel oferese tan karreta ambulánsia unidade ida hodi apoio no supporta servisu Ministériu Saúde Timor-Leste hodi aselera mobiliza no atendementu pasiente covid-19.

Aliende programa Corporate Social Responsibility (CSR) ne’ebé konesidu ho naran “TelkomcelCare”, iha ambitu aniversáriu ba dala-9 tinan ida ne’e, kompania Telkomcel oferese mos promosaun seluk ba klientes estimadu sira iha Timor-Leste. Parabens no k’solok loron aniversaiu ba dala-9 Telkomcel. (cao)

No More Posts Available.

No more pages to load.