Seidauk Vasina Astrazeneca, Seidauk Livre Husi Covid-19

by -391 views
Jornalista Timor Post, Jaime Pires simu vasina astrazeneca iha salaun Secoms, Segunda, (18/4/2021). (Foto TP/Espesial)

(Reportájem Jaime Pires/Editor Izabel Ermelita)

DILI (Timor Post) – Nu’udar subsánsia ne’ebé bele hasae ita nia imunidade hodi proteje ita-nia-aan husi Covid-19, ema ho idade 18 ba leten presiza simu vasina astrazeneka iha Timor-Leste (TL) hodi ema ne’e livre husi Covid-19.

“Tanba vasina astrazeneka iha etape dahuluk ne’e sei fó prioridade uluk ba front line sira. Maske hau mós rona jornalista front line balun seidauk prontu hodi seidauk simu. Maibé ha’u espera ita hotu tenke konsensia prontu hodi fó ezemplu.”

Lia fuan hirak ne’e hato’o husi Sekretáriu Estadu Komunikasaun Sosial (Sekoms), Mericio Juvinal Akara ba jornalista, hafoin akompaña prosesu vasinasaun ne’ebé hala’o iha salaun Secoms, Segunda, (19/4/2021).

Mericio esplika, ho konsiderasaun ba jornalista nu’udar front line iha maka hamutuk ho funsionariu sira iha Secoms fasilita jornalista sira tuir vasina astrazeneka kontra Covid-19 iha Timor-Leste.

Katak Mericio, hamutuk nain 102 maka tuir vasinasaun. Jornalista balun tuir ona vasina iha Sentru Konvensaun Dili (CCD). No balun seluk ne’ebé seidauk tuir vasina, Secoms sei buka meus para fasilita tan iha tempu badak.

“Iha etape dahuluk vasina Covid-19 ne’e sei fó prioridade ba front line sira. Primieru Ministru, Taur Matan Ruak no membru governu sira seluk hetan ona vasinasaun. Ita servisu media mós tenke fó ezemplu hodi tuir vasina,” dehan Mericio.

Hanesan públika ona iha jornál Timor Post ne’ebé hetan apoiu husi Ministeriu Assuntus Parlamentares no Komunikasaun Sosiál (Mapkoms) hateten, povu Timor laran tomak sei hetan hotu vasina.

Maibé ba sira ne’ebé ho idade 18 ba kraik, inan isin rua, nomós inan sira ne’ebé fo susu bebé hetan bandu atu tuir vasinasaun. Ba sira ne’ebé hetan bandu ne’e, tanba seidauk iha dadus sufisiente hodi komprava seguransa no efikasia husi vasina ne’e rasik ba ema hirak ne’e.

Maske nune’e, estadu kontinua halo no ema hirak ne’ebé só bele simu vasina bainhira hetan rekomendasaun husi Organizasaun Mundial Saúde (OMS). Vasina ne’e la obrigatória maibé husu konsiénsia atu simu vasina ne’e hodi proteje ita nia-aan o ema seluk husi Covid-19. Tanba vasina maka dalan úniku atu prevene-an husi vírus corona. (Lee Notisia Kompletu Iha Jornál Timor Post)

No More Posts Available.

No more pages to load.