SeCoop Finaliza Distribuisaun Sesta Bázika iha Munisípiu Kovalima

by -69 views

Timor Post (26/01/2021)-Sekretária Estadu Kooperativa (SeCoop) konklui programa sesta bázika iha Munisípiu Kovalima.

Covalima nu’udar munisípiu fronteira ho indonézia sai munisípiu dahuluk hosi munisípiu 7 ne’ebé responsabiliza hosi SeCoop.

“Secoop responsabiliza munisípiu 7, munisípiu Covalima maka termina ona,” hato’o Sekretáriu Estadu, Elisário Ferreira, ba jornalista sira iha, Delta, tersa (26/01).

Nia apresia tanba buat hotu la’o ho di’ak no laiha reklamante no la simu problema ruma iha prosesu nia laran.

Governante garantia molok Fevereiru remata bele konklui iha munisípiu rua ka tolu tan.

“Hela Ainaru, Aileu, Same (Manufahi), Likisá, Manatutu no mós Lospalos (Lautem) mak seidauk”, dehan Elisário.

Sesta bázika maka programa rekuperasaun ekonomia VIII Governu nian hafoin estadu hasai direitu sidadaun balu liuhosi estadu emerjénsia tanba Covid-19.(Jornalista: Jaime Pires, Editor Mariano Martins)

No More Posts Available.

No more pages to load.