Timor Post (14/10/2020)-Pessoais Saúde iha Postu Saúde Berkoli, Suku Uma Ana Iku, Postu Adminisitrativu Venilale, Munisípiu Baukau, inisia sistema fó akonsellamentu ba bebé-nia-aman kona-ba oinsá koopera ho profesionais sira iha períodu inan isin-rua atu partu.
Medika Ernestiana Guterres, hatete bainhira idade bebé iha inan-kabun atinji ona domingu-36 ka hein loron partus, sira hahú konvida bebé-nia-aman hodi fó informasaun induzivu ou alternativa oinsá hodi inan atu partu asesu ba sentru saúde, kuandu ambulánsia to’o tarde.
Guterres esplika ambulánsia to’o tarde la’ós parte saúde maka lakohi halo atendimentu maibé kondutór ambulánsia maka fahe oras la to’o, tanba nia mesak de’it kobre suku 8. Tanba mane sira la komprende situasaun ida ne’e sempre fó sala parte servisu saúde.
“Tanba ne’e maka ami bolu bebé nia aman sira mai atu esplika, kuandu inan sira kanotak moras bolu maka ambulánsia to’o tarde aman sira bele aluga karreta privadu ruma ba iha fasilidade saúde”, esplika medika ne’e.
Profesional saúde ne’e mós dehan fofoun inan sira halo konsulta, sira fahe tiha ona informasaun hanesan ba inan sira, kona-ba oinsá rai osan uitoan-uitoan durante períodu fulan sia hodi antesipa situasaun ida ne’e.
“Ambulánsia ita fó liu ba atende kazu urjente emerjénsia hanesan asidente, dezastre, ema monu hosi ai, no inan isin-rua ran fakar derrepente, maibé inan isin-rua sira ne’ebé normal, kuandu kanotak moras bolu maka ambulánsia to’o tarde, aman sira bele aluga karreta privadu ruma la’o neineik ona ba postu saúde ka sentru saúde”, tenik tan.
Medika relata Iha Sentru Saúde Venilale ambulánsia ida de’it kobre suku 8, distánsia entre suku dook-malu no balu dook, tanba ne’e husu ba família sira atu pasiénsia hodi koopera ho parte saúde.
Nu’udar aman, Mariano Martins apresia ho informasaun breves ne’ebé hato’o hosi parte servisu saúde postu saúde bercoli nian.
Parte seluk, tuir alvu pesoál saúde iha Postu Saúde Bercoli katak, bebé ne’ebé sei moris iha tinan 2020 nia laran hamutuk nain-141. Enkuantu bebé ne’ebé moris ona iha fulan Janeiru-Outubru hamutuk nain-98, la iha kazu prematura, no la iha kazu bebé no inan mate.
Tuir observasaun Timor Post Online medida sala atendimentu ne’ebé ki’ik maka sai preokupasaun pesoál saúde nian, tanba dala ruma impede movimentu servisu atu fó partu ba inan isin rua.
Enkuantu Postu Saude Bercoli iha doutora nain-1, parteira-1, enfermeira nain-2, asistente-1 no cleaner-1.(Jornalista no Editor : Mariano Martins)
899 total views, 3 views today
Oinsa Ita nia Reaksaun iha Notisia Nee?
Bele hare Video Seluk :
1
/
1949
TENKE REKRUTA JERASAUN FOUN REFORSA BOMBEIROS
ASANAMI HUSU TENKE APOIU BOMBEIROS
ASANAMI: ONRA BA TIMOR LESTE SELEBRA REVOLUÇÃO DOS CRAVOS BA DALA-50
1
/
1949