DILI—Atu prevene feto sira hosi moras kankru, Governu liu hosi Ministériu saúde sei introdúz vasina Human Papilomavirus (HPV) iha Timor-Leste, iha tinan ida ne’e nia laran.
“Ami sei introdúz Vasina Human Papilomavirus iha tinan ida ne’e ba ita-nia labarik feto sira atu prevene moras kankru sira”, informa Ministra Saúde, Odete Maria Freitas Belo, iha Hospital Nasionál Guido Valadares (HNGV), Bidau, Tersa (30/5).
Nia hatete, nia parte sei konsulta ho parte lojistika sira hodi haree kona-ba oins aorsamentu ba atividade vasinasaun, ekipamentu no fatin rai vasina.
“Ami sei haree fila fali ita-nia lojístika vasina ne’e sosa ona ka lae, fatin seguru atu rai ka lae no oinsá ita-nia orsamentu atu fó ba ita-nia pesoál saúde sira ba halo atividade vasinasaun iha munisípiu sira”, nia dehan.
Nia dehan daudaun ne’e ekipa NITAG halo ona rekomendasaun mai iha Ministériu Saúde atu implementa vasina HPV ba labarik feto sira hodi redúz moras kankru iha Timor-Leste.
Etapa dahuluk hetan apoiu husi UNICEF no GAVI ba vasina HPV no tuir mai Ministériu Saúde sei koloka orsamentu hodi bele kompras rutina ba vasina ida ne’e.
Vasinasaun kontra HPV ne’e programa imunizasaun ida atu proteze isin lolon hosi infesaun papilomavírus humano (HPV. Vasinasaun ida ne’e nia benefisiu atu prevene kankru iha area genital no orgaun reprodutiva hanesna kankru penis no kankru serviks.
HPV maka virus ida kauza verrugas genitais (kutil kelamin) no kankru iha orgaun genital, hanesan vulva, vagina, pênis no ânus. Virus ida ne’e bele transmite liu hosi kontatu direta ho kulit hosi ema ne’ebé sofre moras ne’e, espesialmente durante halo relasaun seksual.
Alende verugas genital no kankru genital, virus HPV mos kauza kankru ho tipu oi-oin iha parte kakorok, nanal no kakorok.
1,575 total views, 6 views today
Bele hare Video Seluk :
Subscribe to Timorpost
