ADVERTISEMENT

Loron Mundial Malaria, OMS Foka ba Programa Lima

Augusto Sarmento - Saude
Jornalista : Hermenegildo da Costa Tilman
  • Share

Dili (timorpost.com)—Loron Mundial ba Malaria tinan 2023 komemora ho tema “”Ita mak tempu atu sai livre husi malária”: investimentu, inovasaun, implementasaun.”

Iha tema ida ne’e, Organizasaun Mundial Saúde (OMS) sei foka liu ba programa implementasaun lima, liuliu importánsia atu alkansa populasaun marjinalizadu sira ho instrumentu no estratéjia sira ne’ebé oras ne’e disponivel.

ADVERTISEMENT
SCROLL FILA BA NOTISIA


Poonam Khetrapal Singh, Diretór Rejionál OMS nian ba Sudeste Aziátiku, hateten komemora Loron Mundial Malaria nian iha tinan 2023, OMS husu ba nasaun sira ne’ebé afetadu husi malária iha Rejiaun Sudeste Aziátiku no iha mundu tomak atu aselera prestasaun servisu sira.

“Ne’e atu aselera asesu ba instrumentu no estratéjia sira ne’ebé iha impaktu aas hodi prevene, deteta no trata moras malária, ho foku ba ema ne’ebé vulneravel liu atu asegura katak la iha ema ka populasaun ida mak husik hela,” dehan Poonam Khetrapal Singh iha komunikadu imprensa.

Lee Mós :
Kampaña Kontra HIV/AIDS

Nasaun no parseiru sira ne’ebé afetadu husi malária hetan enkoraja maka’as atu uza instrumentu no estratéjia sira ne’ebé rekomenda husi OMS no agora disponivel ba ema hotu ne’ebé iha risku atu kontrata malária, liuliu sira ne’ebé vulneravel liu.

Tuir relatóriu malária mundiál foin lalais nee, nasaun sira halo ona progresu balun iha habelar asesu ba servisu malária ba populasaun sira ne’ebé iha risku boot liu.

Atu responde ba ameasa no apoia nasaun sira iha konstrusaun programa resiliente ba malária, OMS foin lalais ne’e publika ona matadalan foun, estratéjia no enkuadramentu lima.

Primeiru, hametin kapasidade iha nivel lokál, ho foku ba identifika meta sira ne’ebé klaru no bele hala’o, liu husi aumenta alokasaun rekursu sira, no fó kbiit ba ema ne’ebé halo desizaun iha nivel lokal.

Segundu, troka podér ba periferia, hodi foka liu ba aumenta kolaborasaun entre fronteira, liuliu iha nasaun viziñu sira ne’ebé iha todan aas iha liña eliminasaun nian. Atu halo nunee, ema ne’ebé foti desizaun tenke dezenvolve estrada ida-ne’ebé orientadu ba asaun ho enkuadramentu ida-ne’ebé forte ba monitorizasaun no avaliasaun.

Lee Mós :
Agora ita Tenke Simu Konsikuénsia

Terseiru, asegura finansiamentu ne’ebé adekuadu no sustentavel ba programa malária, rekoñese katak tranzisaun finansiamentu tenke antisipa, planeia no implementa iha faze, bazeia ba estratéjia ida-ne’ebé iha tempu badak.

Ba da-haat, halo monitorizasaun sai hanesan intervensaun prinsipál ida ba malária, hodi asegura katak identifika tiha no rezolve barreira remota sira.

No dalimak, aselera inovasaun ho impaktu aas, no la’ós de’it iha diagnóstiku no tratamentu. Maibe, mós iha prestasaun servisu sira, tuir abordajen kuidadu saúde primáriu iha rejiaun ne’e hodi atinji kobertura saúde universál ne’ebé, dezde 2014, sai hanesan ida Prioridade iha Rejiaun Sudeste Aziátiku.

Importante liu, tenke halo esforsu intensivu atu to’o ba populasaun sira ne’ebé iha risku no vulneravel ho estratéjia no instrumentu ne’ebé oras ne’e disponivel. Globalmente, labarik sira iha uma sira ne’ebé kiak liu iha probabilidade atu hetan infesaun ho malária.

Lee Mós :
Moras Kulit Kauza Husi Bee Foer

Iha parte hanesan, Ministériu Saúde liu husi Koordenadór Programa Malaria iha Timor-Leste (TL), Raul Sarmento husu ba sidadaun hotu iha TL atu prevene moras malária mosquito.

“Selebrasaun Loron Mundial ba Malaria, ne’ebé ema hotu selebra iha mundu tomak, no eventu tinan ida-ne’e nian ho tema “Ita mak tempu atu sai livre husi malária” liuhusi investimentu, inovasaun no implementasaun. Iha ita-nia nasaun, ha’u fó konsellu ba ema atu kontinua prevene mosquito bites liu husi toba uza moskiteiru, mantein moos no seluk tan,” nia dehan.

 

 

 

 

 

 1,581 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Loron Mundial Malaria, OMS Foka ba Programa Lima” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No