DILI—Inspetór Jerál AIFAESA,I.P Herneto Monteiro, hatete, nia parte orienta ona ekipa tékniku AIFAESA.I.P ho Ministériu Saúde no Ministériu Turizmu Komérsiu Indústria atu halo intervensaun iha loja no supermerkadu sira iha Dili laran hodi hapara provizóriu sirkulasaun mina Symphoni iha merkadu, hafoin iha kuarta (15/3), akontese komunidade balun afeta moras hafoin konsumu mina sona ne’e.
“Ami nia intervensaun ne’e, ami hare hosi sosiál media, tanba ne’e ami alera ona ba iha loja no supermerkadu sira atu labele fan produtu refere, tanba agora sei iha deskonfia nia laran, tanba ne’e prosesu normal ita, loja nain sira labele foti desizaun atu fan, kuandu seidauk halo ezaminasaun ba produtu ne’e,” nia dehan,” nia dehan ba Timor Post iha nia knar fatin Matadouru, Kinta (16/03).
Nia mós alerta ba komunidade sira atu labele sosa no konsumu mina sona Symphoni tanba produtu ne’e sei halo hela teste ba nia kualidade.
Entretantu traballadór ne’ebé servisu iha Loja hadomi, lakohi sita nia identidade haktuir, mina Symphoni kuaze fa’an iha Loza Hadomi iha Dili laran, produtu ne’e la’ós foin maka fa’an maibé fa’an nanis ona ho presu 6 USD.
“Ami iha ne’e atende fan, maibé ami la hatene ninia ne’e kualidade ka lae, tanba iha embalajen ne’ebá seidauk expire ida, durante ne’e konsumidór barak mak sosa produtu ne’e, maibé ema la kestiona foin primeira véz ida ne’e akontese,” nia dehan,” nia hatete.
Nia dehan, kona-ba mina ne’e atu sirkula ou lae ne’e depende ba loja na’in, nia hanesan traballadór nia papél mak fa’an no ajuda hit sasán.
568 total views, 9 views today
