ADVERTISEMENT

MS Prontu Responde Ameasa ba Saúde Públiku

Mario da Costa - Saude
Reportajen : Estaziada Ermelinda Caet
Editor : Mario da Costa
  • Share
Foto Hamutuk funsionariu sira iha Ministeriu Saude, Imajen TP/Ermelinda Caet

Dili (timorpost.com) – Ministériu Saúde (MS) sei esforsu atu kontra ameasa ba Saúde Publika hanesan virus Monkey pox, Kovid-19 no Dengue.

Diretór Nasionál Saúde Publika Frederico Bosco do Santos, hatete objetivu enkontru ohin ne’e hotu kedan parseiru no parte relevante sira liuliu entidade autór prinsipál sira ne’ebé servisu iha area fó protesaun ba iha saúde publika Timor-Leste, entaun ohin sira partilla inklui dadus atuál husi nasionál no global nian no rona mós hanoin balu husi sira atu koopera hodi haforsa di’ak liu ba situasaun sira ne’e.

ADVERTISEMENT
SCROLL FILA BA NOTISIA

“Haree iha ita-nia situasaun atuál ne’ebé ita enfrenta hela poténsia ameasa sira liuliu ita-nia saúde publika, tanba ne’e MS tenke foti inisiativa atu bele hahú ona hodi partilla ita-nia planu sira no forsa saida mak ita iha no oinsá ita bele haforsa situasaun sira ne’e,” nia dehan iha Palásiu de Sinzas, Kaikoli, Kinta (20/10).

Lee Mós:
Eskola Lima no Salon Ida iha Dili Sai Sentru Vasina Pfizer

Planu ne’ebé sira iha para depois de ultrapasa poténsia ameasa ba saúde publika sira iha tempu sira ne’ebé udan komesa monu rai no Moras ida ne’ebé bele mosu relasiona ho udan ne’ebé monu rai, ko’alia kona-ba moras da’et sira, iha mós moras kronikas la hada’et sira, poténsia ho situasaun ne’ebé bele halo moras sira ne’ebé sai komplikadu liután.

“Haree mós ba ameasa ne’ebé Organizasaun Mundial Saúde (OMS), deklara preokupasaun internasionál nian liuliu moras hanesan monkey pox no kovid-19, mezmu ita-nia kazu sidauk iha, maibé importante tebes ita kontinua alerta, ate kuandu iha ona deklarasaun katak bele redus ona, ita prontu atu redus,” nia katak.

Tanba ne’e Ameasa ne’ebé sai ona preokupasaun internasionál maka Monkey Pox, mezmu sira seidauk iha kazu maibé OMS seidauk halo para fila-fali ninia preokupasaun ba iha Monkey Pox, signifika hanesan membru estadu OMS nian, entaun sira kontinua nafatin atu alerta no foti medida sira ne’ebé nesesáriu para bele iha Prevensaun ho di’ak.

Lee Mós:
Ameasa Autoridade Seguransa-Defeza, PNTL Kaptura Sidadaun Na'in-Rua

Nune’e mós Monkey Pox sira halo tiha ona nia asesmentu bazeia ba iha volorasaun iha risku ki’ik para moras ida ne’e bele da’et liuliu ho tranzmisaun hanesan mós nasaun sira seluk kompara ho sira-nia risku boot liu Timor-Leste, ho risku ki’ik oan ida ne’ebé atu haforsa maka parte vijilánsia nian, tantu iha pontu entrada sira, fasilidade saúde sira, vijilánsia nivel komunitáriu no evita sedu atu labele espalla iha komunidade sira.

“Ita-nia enkontru ohin mós hakarak atu partilla nafatin ho entidade hotu relasiona ho poténsia ne’ebé posivelmente bele mosu, liuliu iha tempu hirak nia laran hahú husi fulan Outubru ba oin ida ne’e ameasa sira ne’ebé ita iha, ita nafatin tau atensaun atu bele ultrapasa situasaun sira ne’e iha rai laran,” nia akresenta.

Lee Mós:
USAID-UNICEF Entrega Ekipamentu ba MS

Entretantu Médiku edukadór Manuel Natercio Noronga, aumenta, hanesan parseiru sira-nia vizaun maka oinsá koopera nafatin ho MS iha parte hasa’e kualidade pesoál saúde sira nian no mós koopera para hadi’a kualidade saúde Timor-Leste nian.

“Ami rekomendasaun ba MS atu dezamina ita-nia matadalan sira, kontrola vetor sira no dengue nian ba iha pesoál saúde sira ne’ebé iha ita-nia sentru saúde sira no postu saúde sira,” nia dehan.

Tanba ne’e sira-nia parte servisu besik liu iha pesoál saúde distritu sira, sira haree katak sira menus asesu ba iha matadalan sira, nune’e mak sira rekomenda ba parte Ministériu oinsá para kria mekanizmu ida hodi pesoál saúde sira bele hetan ona tratamentu no vijilánsia nasionál.

 976 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “MS Prontu Responde Ameasa ba Saúde Públiku” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: