ADVERTISEMENT

Falta Médiku, Maukoli: KFP Mak Halo Rekrutamentu

Mario da Costa - Saude
Reportajen : Jaime Pires
Editor : Asisten Hermenegildo da Costa Tilman
  • Share
Vise-Ministru Saúde, Bonifácio Maukoli, Imajen TP/Jaime Pires

DILI (timorpost.com) — Vise-Ministru Saúde, Bonifácio Maukoli, hatete Postu Saúde iha Suku balun Médiku laiha, tanba rekrutamentu Médiku ne’e Komisaun Funsaun Públika (KFP) mak halo.

Nia hatete, kriasaun ba Postu no Sentru Saúde iha Suku kuaze atus tolu resin mak harii ona iha postu 45, hela de’it Suku atus ida resin mak seidauk harii, maibé sei haree ba kritériu, kuandu populasaun iha Suku ida mak liu rihun ida, iha direitu atu hetan Postu Saúde no fasilidade, ne’ebé agora planu hela.

“Maibé, ba fasilidade sentru sira ne’ebé ita konstrui kompleta daudaun ona ho internatu, tanba ita hotu hatene, rekrutamentu ba ida ne’e la’ós Ministériu Saúde mak halo, maibé liuhusi Komisaun Funsaun Públika,” hateten Maukoli, iha Palásiu Governu, Kuarta (19/10).

Lee Mós:
Eskola Lima no Salon Ida iha Dili Sai Sentru Vasina Pfizer

Nia dehan, rekruta bazeia ba vaga ne’ebé Komisaun Funsaun Públika aloka mai, ezemplu sira haruka vaga atus ida resin, tenke rekruta mós tuir vaga ida ne’e.

“Dala-ruma Postu Saúde sira balun ita konstrui tiha ona, maibé pesoál saúde sira seidauk iha maibé ita koloka nafatin ho internatu sira hodi hein prosesu rekrutamentu tuir mai,” nia deklara.

Lee Mós:
Ekipa Konjunta Deteta Funsionáriu Mafia Iha CNA

Maukoli subliña, kona-ba medikamentu iha rejiaun tolu ne’ebé SAMES halo ona, ai-moruk sira tau hotu ona, depois sira halo pedidu ho rejiaun sira ne’e atu bele provínsia ai-moruk sira ne’e ba iha Postu Saúde sira.

 1,143 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Falta Médiku, Maukoli: KFP Mak Halo Rekrutamentu” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: