ADVERTISEMENT

Kombate Mal-Nutrisaun, ADB Investe Osan Millaun 3 USD

Mario da Costa - Saude
Jornalista : Jaime Pires
Editor : Mario da Costa
  • Share
Vise-Ministru Finansas (MF), António Freitas Belo, Imajen TP/Jaime Pires.

DILI (timorpost.com) – Atu kombate mal-nutrisaun iha Timor-Leste, Banku Dezenvolvimentu Aziátiku (ADB), sei investe osan ho montante millaun 3 USD, servisu hamutuk ho Ministériu Finansas (MF) no Ministériu Agrikultura no Peskas (MAP) inklui parseiru sira.

Vise-Ministru Finansas (MF), António Freitas Belo, hatete misaun ADB ba projetu Ázia Development iha ona Timor-Leste no submete ona ba iha Prezidente Repúblika, atu halo diskusaun ho MF no MAP,  tanba misaun ne’e rasik ADB sira investe millaun 3 USD, atu halo reabilitasaun plantasaun kafé liuliu ba mal-nutrisaun.

ADVERTISEMENT
SCROLL FILA BA NOTISIA


Lee Mós :
AJAR Konsidera Ro Haksolok Kontribui Hariku Portugal

“Ita identifika ona iha munisípiu lima maka sei servisu hamutuk ho ADB, neste-momentu MF ho MAP atu servisu hamutuk hodi haree munisípiu lima ne’ebé sei tama iha projetu ADB no agrikultura nian, ho nia kritériu ne’e maka, munisípiu sira-ne’ebé hetan afetasaun ba nivel pobreza ka ki’ak, no mós mal-nutrisaun, nune’e ita bele promove programa agrikultura,” nia hateten, hafoin enkontru semanál ho Primeiru Ministru, Taur Matan Ruak, iha Rezidénsia Faról, Segunda (17/10).

Nia dehan, daudaun ne’e munisípiu lima iha hela faze konsultasaun  no mós estudu ho MAP, komposta hosi Atauru, Manatutu, Manufahi, Rejiaun Administrativa Espesiál Oe-Kusi Ambenu (RAEOA), inklui Dili espesífiku liubá Metinaru tanba menus bee-moos.

Lee Mós :
Governu Presiza Halo Jestaun Di'ak ba Bee no Saneamentu

“Munisípiu lima ne’e enfrenta problema bee-moos, maibé ho programa ne’e bele motiva agrikultór sira atu halo sira-nia toos no natar,” nia informa.

Alende ne’e nia dehan, Primeiru Ministru rasik mós iha programa prioridade ida, kona-bá kadeia development bazeia ba orientasaun Xefe Governu, tanba ne’e MF no MAP realiza diskusaun ida ho parseiru sira, liuliu ho ADB, atu haree posibilidade oinsá mak atu investe liu iha agrikultura atu promove produtu lokál iha rai laran, liuliu ho kadeia de valór no mós haree asuntu mudansa klimátiku.

Lee Mós :
MS Rejista Pasiente Moras Lepra Na’in-23

Tanba ho mudansa klimátiku agrikultór sira kuaze labele halo atividade ho di’ak liga ho bee-moos, entaun oinsá maka sira bele servisu atu haree dentru projetu agrikultura ne’e, hanesan kresimentu bee ba área sira-ne’ebé importante.

 2,312 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Kombate Mal-Nutrisaun, ADB Investe Osan Millaun…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No