Dili (timorpost.com) – Ministeriu Saude (MS), nia Diresaun Jerál Prestasaun Saúde, Diresaun Nasionál Saúde Públika halo workshop hodi selebrasaun semana Mundiál Susu Been Inan nian ho tema “enkoraja Família suporta Inan sira hodi fó de’it susu-been ba oan sira”.
“Ha’u ohin mai iha ne’e reprezentante delegasaun Uniaun Europea atu hato’o netik prosesaun ne’ebe liga ho setór nutrisaun”, Reprezentante Uniaun Europa, Jhohanes Bosco, hateten iha Salaun Palásiu da Sinzas, Kaikoli, Kinta (15/09).
Lori Uniaun Europea Nia Naran nia hato’o agradese ba Ministeriu Saúde ne’ebé konvida uniaun europea iha eventu ne’e hanesan parte ida husi selebrasaun semana Mundiál susu-been inan nian.
“Enventu ida ohin ne’e importante tebes ba ita hotu ne’ebé luta Kombate ba mal-nutrisaun iha Timor-Leste”, nia relata.
Enventu ne’e mós hasae konxiénsia husi Komunidade kona- ba importánsia husi Susu-been Inan nian.
Nia dehan, fó susu-been inan nian ba labarik sira hahú kedas labarik moris, nia vantajen di’ak tebes la’ós ba labarik de’it, no nia vantajen mós ba inan sira, no asaun ne’e mós sai hanesan save iha estratéjia ne’ebé importante ba iha rai ida ne’e hodi hadi’a servisu Saúde Públiku.
Reprezentante WHO, Dongbao Yu, afirma intensaun atu oan sira labele hetan moras ka sai mal-nutritiva ka mate.
“Se ita hakarak Bebe sira atu moris no mós hetan Saúde ne’ebé di’ak dalan di’ak mak hahú kedas fó susu-been sedu bainhira nia moris iha oras dahuluk, no labele fó tan hahán seluk kualker solido ka liquido antes sira kompletu fulan 6, dahuluk no mós fó ai-han ne’ebé nutritivu bainhira labarik kompletu ona fulan 6”, nia hakotu.
1,720 total views, 6 views today
Bele hare Video Seluk :