Saudades Matan Ruak, Paulo Martins Vizita Palasiu Governu

by -272 views

Timor Post (06/07/2020)- Eis Komandante Jerál Polisia Nasionál Timor Leste (PNTL) Paulo de Fátima Martins  segunda (06/07) hakata ain iha Palasiu do Governu tanba tanba saudades kleur ona la hasoru malu  Primeiru Ministru Taur Matan Ruak.

“Kleur ona la hasoru Primeiru Ministru, hanesan uluk nia hanesan Komandante Jerál Forsa Armada ha’u hanesan uluk komandante Polisia Nasionál Timor Leste. Depois, sai hosi komandante PNTL nunka hasoru malu ho Taur Matan Ruak tanba ne’e mak ohin oportunidade di’ak mai hasoru malu ho nia”, Paulo espresa ba   Jornalista sira iha Palasiu.

Eis deputadu ne’e hatutan iha enkontru ho Xefe Governu  fó mós ninia parabéns no  husu mós primeiru ministru atu servisu didi’ak ho membru governu sira hotu atu bele tau matan ba povu.

” Ohin oportunidade di’ak ha’u mai hasoru nia fó parabéns no hato’o saudades iha tempu uluk ohin hasoru malu fila fali, la iha lia menon no laiha liafuan seluk, hasoru malu mak ne’e de’it,  husu ba Primeiru Ministru atu servisu didi’ak ho membru governu hotu atu bele tau matan ba povu” Nia hakotu.(Jornalista: Jaime Pires)

No More Posts Available.

No more pages to load.