Sames Reforsa Sistema Suplay

by -46 views
Foto Google

DILI (Timor Post) —Servisu Autónomu Medikamentu no Ekipamentu Saúde (SAMES) liuhosi Diresaun Nasionál Farmásia Medikamentu (DNFM) ne’ebé hetan apoiu hosi parseiru Dezenvolvimentu sira, iha kometimentu haforsa lojístika manajementu Informasaun Sistema (LMIS) ne’ebé presiza espanda fazeadamente ba to’o iha postu saúde liuhosi sistema mSuplay.

Diretór Nasionál Farmásia no Medikamentu (DNFM), Alípio Gusmão, hatete atividade ida ne’e ho objetivu atu re-introdús filafali sistema mSupplay ho sistema eletróniku, maibé sistema hirak ne’e tuir loloos SAMES utiliza ona iha tinan 2017 bainhira atu re introdús presiza atu fó informasaun fila fali ba iha farmaséutiku sira iha nivel hothotu.

“Ho sistema ida ne’e bele utiliza ona ba iha futuru, hodi haree didi’ak sistema informasaun jestaun farmaséutika ne’ebé di’ak liu, liuliu uza ona sistema eletróniku ida ne’e”, Alípio ba jornalista sira hafoin partisipa iha abertura formasaun sistema mSuplay, iha Hotel Garden Beech, Tasi Ibun, Tersa (27/07).

Santana esplika sistema ida ne’e, durante ne’e utiliza iha SAMES ho Laboratóriu Nasionál no HNGV, maibé daudauk ne’e atu estende ba iha munisipál ho Hospital Referral sira inklui ba Sentru Saúde sira, maibé ba futuru, SAMES hakarak espanda tan ba iha postu saúde sira hotu.

Nia salienta katak, ho sistema eletróniku mSuplay ida ne’e, ho hanoin parte hotu-hotu ne’ebé mak servisu iha parte farmaséutiku iha ai-moruk ninian bele mellora servisu tomak ne’ebé mak iha, tanba sistema mSupplay bele ha-fasil ema hotu nia servisu.

Tanba ne’e, liuhosi kontrolu ne’ebé mak Diresaun Farmásia atu halo ba iha Munisípiu sira ida ne’e fasil liu, tanba bele haree de’it ona liuhosi online, duke kontaktu ida pur ida, entaun ho sistema refere SAMES mós bele kontrola ona prosesu tomak ne’ebé SAMES rasik halo.

Iha fatin hanesan, Diretór Servisu Autónomu Medikamentu no Ekipamentu Saúde (SAMES), Santana Martin hateten formasaun ida ne’e atu bele halo melloramentu servisu farmaséutiku iha SAMES no mós iha nivel munisípiu sira.

“Jestaun farmásia hanesan ai riin ida, iha sistema saúde ne’ebé mak investimentu iha pillar sira importante atu bele garante funsionamentu sistema iha farmaséutiku”, Santana subliña.(res)

No More Posts Available.

No more pages to load.