Saláriu ba Assessor iha Marí Alkatiri nia Tempu Boot Liu José Luis Guterres

by -248 views

DILI—Hafoin Timor Post públika lista saláriu assessor ba Prezidente Autoridade RAEOA no sai viral iha rede sosiál, gabinete RAEOA halo kedas klarifikasaun, no aprejenta mós lista assessor iha eis Prezidente Autoridade Marí Alkatiri nia tempu.

Tuir mai klarifikasaun kompletu kona-ba polémika lista asesores foun ba apoiu Gabinete PA RAEOA.

Gabinete PA RAEOA klarifika katak assessor sira né sei fornese apoiu tékniku ba SE PÁ RAEOA tuir área ida-idak nian. Nível salariu ne’ebé defini né bazeia ba Dekretu Governu no.6/2015, 18 Movembru 2015, kona-ba “Regimi de jurídico dos contratos de trabalho a termo certo na administração pública”.

Regimi ida né hamosu iha VI Governu konstitusional ne’ebé lidera husi Eis Primeiru Ministru Dr. Rui de Araujo. Favor hare tabela iha okos. Politika ida ne’ebé selu osan boot ba asesores nasional ho intensaun katak aliende atu valoriza sira nia kapasidade profesional, ida né mos bele asegura sirkulasaun osan iha rai laran, nune tulun kresimentu ekonómia lokal.

Tuir dadus ne’ebé iha haktuir katak, Autoridade anterior rekruta asesores Internasional hamutuk kuaze ema nain 10 hodi fo apoiu iha Gabinete PA anterior ne’ebé lidera husi Eis PA RAEOA, Mari Alkatiri. Assessor hirak ne manan osan ho montante diferente hahu husi $6 mil – 12 mil kada fulan, nomos benefisius sira seluk.

Exemplu, iha sira nia kontratu hatete katak kuandu sira ba férias iha sira nia rai, Autoridade mak selu sira nia viajen ba mai. Ho ida né, lideransa autoridade foun sei LÁ rekruta tan asesores Internasional barak, talvez ida ou rua deit ba apoiu legal. Maioria asesores iha gabinete PÁ RAEOA sei okupa husi Timor-oan tantu Atoni-oan ou husi munisipisu seluk ne’ebé iha komptensia iha áreas ne’ebé presiza.

Iha Estrutura Autoridade liu-liu ba kargo Sekretariu Rejional sira sei okupa husi maioria Atoni-oan sira ne’ebé hetan konfiansa politiku, nomos iha esperensia no kapasidade atu jere kada Sekretariu rejional. Atoni-oan sira balu mos iha prosesu atu asina kontratu nudar Assessor hodi apoiu iha Gabinete PA nian. Barak mak preparadu atu okupa posizaun sira iha Administrasaun publiku.

Tabela karaik ne’e hatudu lista salariu iha Mari Alkatiri nia tempu.

Entretantu tuir lista kontratu ba kontratadu foun ba gabinete Prezidénsia RAEOA, ne’ebé Timor Post assessu haktuir, iha assessor na’in ida ho naran, Azevedo Lourenco da Costa Marcal manan saláriu kada fulan $7.500, tuir fali Ricardo Cardoso Nheu manan saláriu kada fulan $7.000. No assessor na’in neen seluk manan saláriu husi $3.000 to’o 6.500.

Tuir mai lista kompletu kontratu foun ba kontratadu sira nia naran, saláriu no sira nia responsabilidade. Lista ne’e mós sai virál ona iha rede sosiál.

(cao)

 

No More Posts Available.

No more pages to load.