Rotuto Prepara Jogadores Kompete Iha AFM

by -91 views
Komundiade suku Rotuto

ROTUTO (Timor Post)Komunidade suku Rotuto, postu administrativu Same, munisípiu Manufahi, realiza jogu hodi identifika jogadores di’ak hodi partisipa ba kompete iha jogu Assosiasaun Football Manufahi (AFM) Cup ne’ebé sei realiza iha tempu badak.

Tuir responsavel desportu suku Rotuto, postu administrativu Same, Mario Soares de Jesus, informa oras ne’e daudaun komisaun rejistu klubu hosi aldeia sira iha Rotuto no oras ne’e atividades jogu lao hela.

“Klubu hamutuk 8 kompostu husi aldeia Sabou kria klubu Airanik, Santa Cruz, Aldeia Leofat kria klubu Rotutolau, aldeia Fohei kria klubu Tatoli no Jerofe, Aldeia Berteni kria klubu Buifu”, informa Mario, ba Timor Post, iha Same sesta (06/08).

Nia dehan, atividades ne’e joven sira inisiativa hakarak buka fini jogadór kada klubu hodi tau hamutuk sai klubu ida atu prepara kompete iha AFM cup iha munisípiu.

“Maske jogu refere atu anima joven sira iha eventu komemorasaun levantamentu 20 Agostu 1982 inklui hodi buka fini jogadores ne’ebé di’ak”,nia dehan.

Nune’e nia dehan, joven barak iha suku Rotuto durante ne’e halo servisu fiziku ba levantamentu Rotuto hodi prepara ba eventu komemorasaun, neduni involve mós atividades desportu hodi anima joven sira.

“Jogu remata ami sei oferese prezente ba sira ne’ebé hetan klasifikasaun, maibé orsamentu hodi sosa prezente ne’e mai hosi osan ne’ebé klubu sira rejistu ne’e”, nia hakotu.(lcl)

No More Posts Available.

No more pages to load.