Rotary Club Tulun Face Mask Rihun 720

by -270 views
Foto Espesial

DILI (Timor Post)Servisu Autónomu Medikamentu no Ekipamentu Saúde (SAMES) simu apoiu máskara (face mask) hamutuk rihun 720 hosi Rotary International Club (RIC).

Apoiu ne’e RIC ferese ba SAMES liuhusi Ministériu Negósiu Estranjeiru no Kooperasaun (MNEC) Timor-Leste hodi fahe ba komunidade sira ba prevene moras daet COVID-19 ho variante sira.

Serimónia ne’e hala’o iha SAMES Kampun Alor, Dili, Kuarta (15/09/2021).

Diretora Ezekutiva Interina SAMES, Cesaria da Costa Fernandes Soares agradese ba Rotary Club no MNEC ne’ebé esforsu makaas no servisu hamutuk, nune’e bele fó apoiu ekipamentu prevensaun Covid-19.

Partisipa iha serimónia entrega no simu apoiu ne’e, Prezidente Rotary Club Timor-Leste ho nia kometiva, reprezentante hosi MNEC no Diretora Ezekutiva Interina SAMES, Cesaria da Costa Fernandes Soares, Diretór Aprovizionamentu SAMES, Francisco Borges, kargu xefia no funsionáriu sira.

Notísia ne’e Diáriu Timor Post Asesu hosi pájina facebook SAMES Timor-Leste nian, Sesta (17/09). (*/fer)

No More Posts Available.

No more pages to load.