Rezultadu Final Apuramentu Munisipál Manufahi, Horta 19.453 – Lú Olo 11.137

by -463 views

(Reportajen Korespondente Munisipiu Manufahi Luis Casmeiro/Editor Mateus da Cruz)

MANUFAHI—Prosesu apuramentu munisipál iha Munisípiu Manufahi remata ona ohin dadeer, no rezultadu ikus hatudu  kandidatu númeru sorteiu 1, José Ramos Horta hetan votu 19.453 ho pursentu 63,59 % no kandidatura númeru sorteiu 2, Francisco Guterres Lu-Olo hetan votu 11.137 ho pursentu 36,42%

Rezultadu apuramentu ne’e kompostu hosi Postu Administrativu Same Vila iha totál votu ba kandidatu José Manuel Ramos Horta (JHR)  hamutuk 10,951 no kandidatu Francisco Guterres Lú Olo hetan votu 3826.

Iha Postu administrativu Fatuberlio, José Ramos Horta hetan votu 2552 no Francisco Guterres Lu-Olo hetan votu 1682.

Postu administrativu Alas, José Manuel Ramos Horta hetan votu 2862 no Francisco Guterres Lú Olo hetan votu 1548. Iha Postu administrativu Turiskai kandidatura José Manuel Ramos Horta hetan votu 3088 no Francisco Guterres Lú Olo hetan votu 1295.

Tuir observasun Timor Post nota katak, apuramentu ne’e hahú kedas iha Tersa hafoin remata eleisaun no to’o kalan hafoin para tiha kontinua fali iha dadersan oras servisu. Daudaun ne’e hein asina akta nune’e remata transporta ona urnas ba nasional.

Votantes rezistadu 40.838, Vota iha SVP 161, Totál votantes 40.677, Votus nulu 269 hetan 0,87%, Votus reklamadu 2 hetan 0,01%, Totál buletim votus abandonadu 0 hetan 0,00%, Totál votus branku 71, Totál votus rezultadu 0, Totál votus validu 30.590, Totál votantes ne’ebé mai vota 30.932, Totál mane 16.437, Totál feto 14.495.

Entretantu iha prosesu apuramentu ne’e hetan observasaun hosi obdervadór internasionál União Europeia (UE) observadór nasionál, PDHJ, fiskais partidu hetan akompamentu ho husi seguransa PNTL inklui hetan supervizaun hodi CNE.(Lee Notisia Seluk iha Jornal Timor post/Asesu You Tube Timor Post)

No More Posts Available.

No more pages to load.