Resposta Primeiru Ministru ba TLPU nia Preokupasaun kona-ba Subsídiu Liña Frente ba Jornalista

by -522 views
Ministru Asuntu Parlamentár no Komunikasaun Sosial (MAPKOMS), Francisco Jerónimo. Foto TP: Jaime Pires

Jornalista Jaime Pires / Editór Noémio Falcão

DILI (Timor Post)—Ministru Asuntu Parlamentár no Komunikasaun Sosial (MAPKOMS), aprezenta ona preokupasaun husi asossiasaun jornalista Timor-Leste Pres Union (TLPU) ba Primeiru Ministru (PM), Taur Matan Ruak, maibé retan resposta hakatak desizaun ne’ebé foti tuir posibilidade.

Ministru Francisco Jerónimo ba Jornalista sira hafoin reuniaun ho primeiru ministru iha Rezidénsia Farol, Dili, Segunda (15/11/2021) subliña, subsídiu ba Jornalista sira ne’e regula ho lei espesial. Tanba ne’e, nia dehan, Taur mos aseita ho resposta ne’ebé nia rasik esplika ona.

“Preokupasaun relasiona ho rezolusaun ka dekretu lei ne’ebé mak konsellu ministru aprova atu fó subsidiu liña frente ba jornalista sira,” Francisco hatutan.

“Ida ne’e mak ohin ha’u hato’o ba primeiru ministru, no primeiru ministru mós dehan nia akompaña tanba ida ne’e mak governu nia posibilidade no aprova osan ba ida ne’e,” Nia hatete.

Iha Kongresu Extraordináriu Timor-Leste Pres Union (TLPU) ne’ebé realiza iha Salaun Delta Nova Sabádu (13/11/2021), jornalista sira hamutuk ho estrutura organizasaun ne’e aprejenta preokupasaun ne’e tanba konsidera governu nia desizaun fó subsídiu ba jornalista sira ho montante $5 kada loron ne’e hatudu la fó valor ba servisu profesional sira nian.

No More Posts Available.

No more pages to load.