Reseita Petróleu Tun ba Bei-Beik

by -59 views
Ministru Petróleu no Minerais (MPM), Victor da Conceição Soares

DILI (Timor Post) Ministru Petróleu no Minerais (MPM), Victor da Conceição Soares, rekoñese daudaun ne’e Timor-Leste hasoru hela problema boot kona-ba reseita hosi fundu petróleu ne’ebé tuun ba beibeik.

Governante hato’o asuntu ne’e iha konsolidasaun partidu Fretilín, ne’ebé realiza iha aldeia Moris foun, suku Komoro, postu administrativu Dom Aleixo, munisípiu Dili.

“Orientasaun hosi partidu no Primeiru Ministru, katak ita nia estadu agora daudaun iha problema boot ne’ebé ita enfrenta mak ita nia gráfiku reseita petróleu ho gas tuun ba beibeik,” deklara Victor serimónia konsolidasaun partidu Fretilín iha Komoro, Domingu (25/07).

Nia konta, gráfiku reseita petróleu menus dezde tinan 2014 to’o 2020. Tanba ne’e mak Ministériu Petróleu no Minerais, oinsá mak halo polítika estratéjia no mekanizmu atu diverte fali reseita petróleu.

Reseita petróleu menus tanba ministru petróleu no minerais la funsiona durante tinan rua nia laran, entaun instituisaun ne’ebé dependénsia hanesan ANPM, Timor Gap no IPG.

Ikus mai deside halo mudansa ba jestór sira hosi autoridade nasionál petróleu no minerais (ANPM), Timor Gap no Institutu Petróleu no Jeolojia (IPG-sigla portugés), hodi hadi’a fali situasaun ne’e.

Nune’e, jestór foun sira bele halo fali jestaun ba kresimentu ekonómiku no investimentu ne’ebé mak bele hasa’e fali reseita petróleu nian.

Iha parte seluk, Victor da Conceição esplika, mina iha Bayu-undang sei mohu iha tinan oin, tan ne’e mak sei estudu no halo perfurasaun ba mina matan tolu.

Tanba perfurasaun dahuluk ninia rezultadu susesu, no ninia espetativa aas liu estudu viabilidade. Espera katak perfurasaun daruak hala’o hela no datoluk bele hetan tan susesu no rezultadu di’ak.

Nune’e mós instalasaun ba material metin hela, tanba ne’e perfurasaun atu hasa’e fali reseita petróleu bele hasa’e fila-fali. Maibé daudaun ne’e Timor Gap sei servisu hela. (kyt)

No More Posts Available.

No more pages to load.