Remuneratóriu ba Jornalista Lina Oin Tama iha Diskusaun KM

by -277 views

Timor Post (11/08/2020)-Ministru Asuntu Parlamentár no Komunikasaun Sosiál (MAPKOMS), Francisco Jeronimo, hatete, aban konsellu Ministru hahú diskute  dekretu lei kona-bá renumeratoriu ba Jornalista front line.

Hanesan públiku hatene katak pagamentu ba ekipa frontline halo tiha ona maibé jornalista la hetan tanba la iha baje legal ruma. Maibé hanesan Ministériu ne’ebé haree ba asuntu komunikasaun Francisco Jerónimo urjentimente kria dekretu lei foun, aprezenta tiha ona ba konsellu ministru no aban diskute iha KM.

“Aban ami sei ko’alia buat sira ne’e hotu, ha’u husu no ha’u dehan beibeik ona mídia lalika laran taridu liuliu jornalista sira ita boot sira nia direitu ha’u defende nafatin”, garante Ministru iha entrevista badak hafoin partisipa iha plenáriu iha Parlamentu Nasionál Tersa (11/08).

“Ami sei rezolve depois loron ida sei to’o mai, ita boot sira sei dehan loos ona” tenik tan.

Ministru husu ba mídia hotu liu-liu ba jornalista sira  lalika laran taridu, tanba MAPKOMS sei nafatin defende jornalista nia direitu.(Jornalista Julio Salinas Soares)

No More Posts Available.

No more pages to load.