Dili (timorpost.com) – Parókia Santo António Motaél lakon Padre António Alves, ne’ebe konsideradu hanesan aman espirituál ida.
Eis Amu Parókia Santo António Motael, Padre David Alves da Conseição, hatete Primeiru nia ko’alia uitoan de’it kona-ba Amu António Alves, ne’ebé kleur iha Australia, iha tempu ukun an ne’e maka nia mai iha Timor-Leste.
“Bainhira nia mai ajuda iha Parókia Santo António Motael no buat lubuk ida nia halo iha ne’ebá, maibé nia ema simples mezmu nia tempu kleur tinan ruanulu resin iha Australia, maibé nia mai ne’e ema simples nia haksolok ho nia vida iha Igreja Motaél”, nia dehan iha Parókia Santo Antonio Motaél, Segunda (24/10).
Na’i-lulik ema ida, maibé na’i-lulik ema ida ne’ebé fuan ba ema hotu, maibé sai na’i-lulik hanesan família ema hotu nian no sarani hotu nian, Igreja hanesan família boot maromak nian.
Tanba ne’e na’i-lulik ida mate ne’e ema ida ba ema seluk, ema ida mate família sente lakon profunda no oan sira-nia sente nia fatin mamuk iha uma laran, ne’ebé hakarak ka lakohi na’i-lulik ida-idak Na’i Maromak fó grasa espesiál hodi hala’o iha kreda.
Nia haktuir, Na’i-lulik ne’e nia lakon vida, lakon matenek no nia esperensia ne’ebé Na’i Maromak atu fó hodi bele sai hanesan grasa ba Ema seluk.
Nune’e to’o ona ninia ema ida ne’ebé hatene katak sarani ohin loron aumenta númeru, maibé padre sira aumenta uitoan tebes tanba padre sira mai husi sarani sira nia oan no família nia oan.
“Tanba ne’e Igreja kontinua sente lakon liuliu Motaél ne’ebé iha esperensia konese katuas ka Padre ida ne’e nia komiku, halimar door sira ne’e hotu. Hau hanoin Parókia Motaél sente lakon ema ida no aman espirituál ida iha Fatin ida ne’e”, nia afirma.
Ho nune’e nia konvida sarani hot-hotu bainhira na’i-lulik ida mate, dala-ruma na’i-lulik sei moris hot-hotu iha Independénsia, ko’alia na’i-lulik nia frakeza, hanesan iha Motaél ne’e dala-ruma na’i-lulik ida ne’e toman ho sarani sira, dala-ruma sarani sira ladún gosta.
“Sarani sira ko’alia nia frakeza ko’alia ida ne’e, ko’alia ida ne’ebá, maibé tempu ida ne’ebé na’i-lulik mate sarani sira keta haluha, iha tempu ida ne’ebé na’i-lulik nia frakeza no aat, maibé bainhira nia mate ona keta haluha nia no nia mós halo buat ruma ba imi, reza de’it ba nia husu perdaun nia frakeza, husu Na’i Maromak nia tulun, gloria, esperitu ba nia Klamar”, nia haktuir.
Portantu Padre Antonio Alves ne’e nia sai Amu kleur tebes iha nia moris.
2,274 total views, 3 views today
Bele hare Video Seluk :
Subscribe to Timorpost
