VATIKANU (Timor Post) — Amu Papa Francisco selebra misa agradesimentu ba kardeál na’in-20, inklui Kardeál foun Timor-Leste, Dom Virgílio do Carmo da Silva, iha Igreja Bazílika São Pedro Vatikanu Roma, 30 Agostu 2022.
Tuir komunikadu SKS Timor Post Online asesu, katak, misa ne’e hala’o Kardeál sira simu konsultóriu ordináriu iha loron 27 Agostu liubá, no misa ne’e partisipa direta husi sarani rihun resin, inklui sarani Timor-Leste hamutuk ho enviadu espesiál estraordináriu Prezidente Repúblika, Kay Rala Xanana Gusmão ho ekipa.
Ba Kardeál na’in-20 ne’ebé hola parte ona iha Koléjiu Kardinalísiu, Papa Francisco husu atu halo igreja sai atraiante.
“Liafuan Maromak hamosu ita-nia administrasaun iha igreja, sai igreja! No ida ne’e mak sai atraiante ba komunidade fiar na’in sira, dahuluk ba an rasik no depois ba ema hotu: dupla mistériu ne’e hetan bensaun Husi Kristu no ba Kristu iha mundu. Admirasaun ida ne’e la hamenus husi ita tinan ba tinan, nein menus mós iha responsabilidade ba Igreja. Grasa Maromak nian, hametin halo sai kle’an. Ha’u fiar katak, hanesan ne’e mós ba imi, maun alin sira ne’ebé hola parte iha Koléjiu Kardinalísiu” Papa Francisco dehan.
Papa husu ba kardeál sira kontinua servisu makaas, hodi sai nu’udar illas Na’i Jesus no Santo sira hotu no hadomi Igreja no sarani nu’udar Na’i Kristu nia maksoin, hodi lori dame ba ema hotu iha moris.
Tuir ajenda, loron kuarta feira 31 Agostu, Enviadu Espesiál Estraordináriu Prezidente Repúblika, Kay Rala Xanana Gusmão no Kardeál Don Virgílio do Carmo da Silva hamutuk ho Embaixadora Timor-Leste ba Vatikanu, Juvita Rodrigues B. Ataide Gonçalves no komunidade Timoroan sira iha Roma sei selebra misa agradesimentu ba kardeál foun.
Hafoin misa, Kardeál Don Virgílio no Xanana Gusmão sei hato’o nia mensajen ba Timoroan sira iha Vatikanu.
1,470 total views, 6 views today
Bele hare Video Seluk :
Subscribe to Timorpost
