Governu Tenke Buka Hatene Konstrusaun Igreja Ai-mutin

Mario da Costa - Relijiaun
Reportajen : Cardenio Alves
Editor : Mario da Costa
  • Share
Deputadu Patrocino Fernandes, Imajen TP/Cardenio Alves

DILI (Timor Post)- Konstrusaun Igreja iha Ai-Mutin  ne’ebé durante ne’e seidauk atinje nia tarjetu, tanba ne’e Vise Prezidente Bankada Kongresu Nasionál Rekonstrusaun Timorense (CNRT), Patrocino Fernandes, hatete hanesan Estadu no Governu tenke buka atu hatene nia progresu.

“Ita hanesan membru Governu presiza buka hatene se mak implementadór ba Projetu ida ne’e, Governu no Estadu iha obrigasaun buka hodi hatene”, nia hateten iha Resintu iha Parlamentu Nasional, Segunda (01/07).

ADVERTISEMENT
SCROLL FILA BA NOTISIA

Nia dehan, Governu tenke buka hatene tanba ida ne’e finansas públiku, iha objetivu atu ba ajuda sarani katólika nu’udar sidadaun Timoroan iha area Ai-Mutin.

Lee Mós:
Governu Komprometidu Sosa Tais Hosi Atoni-oan

Tanba objetivu Estadu halo Igreja ne’e atu sarani katólika hanesan sidadaun Timoroan bele uza hodi halo misa.

Nia dehan, daudaun ne’e Igreja seidauk hotu, entaun Governu presiza buka hatene, tanba orsamentu ne’ebé finansia ba uma lulik relijioza ne’e Estadu nia Osan, nune’e presiza buka hatene, tanba saida seidauk hotu.

Lee Mós:
Solenidade Loron Corpus Christi, Kardinál Virgílio Husu Sarani Hadomi Ambiente

“Asuntu ida ne’e kleur ona, husi Komunidade iha area Ai-Mutin mós preokupa, tanba saida konstrusaun ne’e seidauk hotu”, nia hato’o.

Nia alerta ba instituisaun hanesan sosiedade sivíl sira ne’ebé sai defensoria ba patrimóniu Estadu presiza buka tuir nia prosesu ne’e, tanba saida to’o agora igreja ne’e sai kestaun ba Komunidade iha area Ai-Mutin nian.

Preokupasaun ne’e importante teb-tebes, tanba planu ne’e mai husi Governu nian, ne’ebé atu harii uma lulik ida ba Komunidade sira iha Ai-Mutin.

Lee Mós:
Governu Garante Programa Merenda Eskolár Sei La Paradu

Tanba ne’e hanesan Governu no sosiedade sivíl, ne’ebé defende direitu ba patrimóniu Estadu, tenke buka hatene nia progresu, nune’e fiar katak sei buka nia solusaun ba Konstrusaun refere sei rezolve iha tempu badak.

 126 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Governu Tenke Buka Hatene Konstrusaun Igreja Ai…” A few seconds ago
  • Share

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Live Streaming
Live Streaming TImor Post TV
x
Varanda
Kategoria
Video
Buka
Watch
error: