ADVERTISEMENT

Aihan Moris Tun Husi Lalehan “Ne’e Ha’u nia Isin Saran Ba Mate Tan Imi, Ne’e Ha’u Nia Ran Aliansa Foun Nian”

Timor Post - Relijiaun
  • Share
Amu Papa Francisco, Imajen: Espesial

Iha kada  Eukaristia ne’ebé ita selebra, ita tama iha ambiente última-Ceia nian; ita tama iha komunhaun ho Jesus no nia eskolante sira nian; ita tama iha Jesus nia terus, mate no moris hias nian. Tan ne’e, selebrasaun Eukaristika mak ita nia ‘modo/cara’ ba no ‘luku’ iha Ultima Ceia, Kalvario no rate mamuk. Ita ba laós fisikamente, maibé, memorialmente-sakramentalmente liu husi paun no tua ou Eukaristia iha nia totalidade.

Iha Eukaristia, ita kumpri vontade Naí Maromka nian. Jesus dehan Ha’u hakarak tebes han kalan ida ne’e hamutuk ho imi (Lk 22,15). Halo ida ne’e, hodi hanoin Ha’u (Lk 22,190. Ita halo memória ba Jesus nia moris katak nia paixaun: terus, mate no moris hias.

ADVERTISEMENT
SCROLL FILA BA NOTISIA

Iha texto Saun Mateus no Joaun (Mt. 4,4; Jo. 6, 56-57) dehan laós deit paun moris ba ema, maibé, Lia Fuan hotu ne’ebé sai husi Maromak nia ibun. Sé mak han Ha’u nia isin no hemu Ha’u nia ran hela iha Ha’u no  Ha’u hela iha nia, hanesan Ha’u Aman hela iha Ha’u, Ha’u iha nia. Nuné, sé mak simu Ha’u, nia moris ba nafatin. Ida ne’e mak hahan espiritual ne’ebé konsiste iha paun no Lia-Fuan ne’ebé ita simu iha Eukaristia.

  1. Partilha-komunhaun
Lee Mós:
Serimónia Kardeál Dom Virgílio, Konvida Bispu Hosi Nasaun Viziñu

Iha livro Exodus haktuir konaba komprimiso ho paun katak laiha ema ida mak iha liu no laiha ema ida mak laiha buat ida atu han. Iha livro Genesis haktuir konaba Liurai Salém lori paun no tua hasae ba Maromak leten as ba hodi dehan rahun diak ba Abrão. Iha Eukaristia, ita hasae núdar asaun grasa nian. Ita hotu simu hanesan. Ita simu Maromak nia Futar Lia-Fuan husi ambaun: meza Lia-Fuan nian no husi  altar: meza Eukaristia nian. Buat ne’ebé importante mak partilha iha prezensa Naí Jesus nian. Iha ambaun no altar, ita hotu sai ida deit: komunhaun-uniaun ho Naí Maromak. Nuné, Eukaristia mak Maromak nia horik fatin iha ita ema nia lét, iha ne’ebé, husi nebá moris espírito partilha no komunhaun nian.

  1. Centro moris Kristaun nian!
Lee Mós:
Kardeál Dom Virgílio Sama-Ain Hikas iha Aeroportu Timor-Leste

Eukaristia mak fonte no sentru ita nia moris kristaun nian. Jesus hasae nia isin no ran núdar karan atu soi ita ema. Portanto, iha Eukaristia ita alimenta ita isin no klamar ho Jesus nia Futar-Isin no Ran. Ita mós proklama katak ita fiar iha prezensa real Jesus Kristo nian iha dom sira Eukaristia nian.

Ita habadak hodi dehan katak ohin ita hetan konvite atu fo sasin ba publiku prezensa real no konkreta Jesus nian iha Eukaristia. Mai ita ba simu nia, iha Eukaristia ho fuan no laran tomak, basá, Eukaristia mak momento ida ne’ebé liga ita husi prezente ba pasadu no ba futuro katak iha Eukaristia, ita tama iha ‘memoria’ Jesus nia última Ceia, nia paixaun, povu Israel nia experiensia paskua no sira nia pasazem iha tasi. Ita partilha, halo komunhaun-uniaun ho Maromak Trindade iha/liu husi nia Oan Mane Mesak, amlulik bót. Nuné, Eukaristia bele sai fonte no sentro ba ita nia moris. Halo ita sai ‘Igreja vivo’ ne’ebé fo sasin konaba Kristo Moris Hias ba maun alin sira. Jesus mak aihan moris tun husi Lalehan mai atu fo moris ba ita ema. Ita hotu ne’ebé simu nia, nia sei horik iha ita no ita iha nia. Amen!

Lee Mós:
Sarani Hobur Kardeál Dom Virgílio Hosi Estrada Komoro To'o Vila-Verde

Hakerek nain Jesuita, hela iha Monserrat-Kasait, Liquiçá no Full-time lecturer iha Instituto São João de Brito (ISJB), Kasait-Liquiçá

 705 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Aihan Moris Tun Husi Lalehan “Ne’e Ha’u nia Isi…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: