Rejolve Problema Malnutrisaun ho Aihan Tasi

by -133 views
Mariano Assanami Sabino

Jornalista Jaime Pires / Editór Noémio Falcão

Dili (Timor Post)—Deputadu husi Bankada Partidu Demokrátiku (PD), Mariano Assanami Sabino subliña, aihan tasi nia nutrisaun di’ak tebes ke ba futuru família hotu konsumu barak liu bele rejolve problema malnutrisaun iha Timor Leste.

Assanami hatete, governu presiza dezenvolve ideia ida ne’ebé aproveita rekursu ne’ebé iha rai maran no tasi hodi fó moris di’ak liu ba nia populasaun sira.

Eis Ministru Agrikultura no Peska ne’e hatete, Timor Leste nia tasi luan liu rai maran no nakotu tebes ho aihan. Tanba ne’e, iha tasi uluk kedas nia hakarak dezenvolve sidade peskas atu nune’e ba futuru bele konsumu aihan husi tasi husi pursentu 50 to’o 60.

“Entaun hahán iha uma laran ka uma kain ida-ida ne’e, di’ak liu ba futuru 60% ka 50% ne’e mai husi tasi, tanba ita nia tasi luan liu ita nia rai maran,” Assanami hatete ba Jornalista sira iha Uma Fukun Parlamentu Nasionál, Segunda (22/11/2021), relasiona ho inandasaun durante ne’e estraga toos no natar barak.

Maske nune’e, Assanami dehan, aihan husi rai maran mos kontinua dezenvolve.

“Mantein ho hahán sira ne’ebé mak iha rai maran nia maibé tenke hahán uma laran ne’e barak liu mai husi tasi laran di’ak liu,” Assanami subliña.

No More Posts Available.

No more pages to load.