Rate Bekusse Nakonu Ona, Muda Ba Metinaru

by -136 views
Tanba Rate Bekuse nakonu ona maka tama ba fulan Dezembru muda ona ba Metinaru. (Foto TP/Suzana Cardoso)

(Jornalista Jaime Pires/Editor Suzana Cardoso)

DILI (Timor Post) – Espasu iha Rate Bekusse, Bekora utiliza hotu ona, nune’e sira ne’ebé mate iha Fulan Novembru nia rohan tinan ne’e nian, tenke lori ba hakoi iha Metinaru .

Tuir esplikasaun  Ministru Administrasaun Estatál (MAE), Miguel Perreira de Carvalho ba Jornalista hafoin remata halo audiénsia públiku ho Komisaun ‘A iha Parlamentu Nasionál, Sesta (05/11) katak,  espasu ne’ebé sei bele uza iha rate Bekusse to’o de’it rohan hosi Fulan Novembru tinan ne’e.

Tanba katak Ministru Miguel,  tuir relatóriu husi Prezidente Autoridade Munisipál Dili, espasu iha Rate Bekusse utiliza hotu ona. Mate hirak tuir mai tenke ba hakoi iha fatin ne’ebé mak autoridade Munisipál Dili deside ona.

“Fatin ne’e mak iha Metinaru. Ha’u hakarak informa ba públiku katak, fatin Metinaru preparadu ona atu hakoi obitu sira ne’ebé mak sei akontese iha tempu tuir mai”, dehan Ministru Miguel hodi hatutan.

Rai hamutuk hectares ualu  maka prepara ona iha Metinaru besik Jardim dos Herois Metinaro nia sorin kedas. Autoridade Munisipál Dili halo ona kolaborasaun ho komunidade sira iha ne’ebá. No governu realiza ona prosesu indiminizasaun ba komunidade sira ne’ebé mak hanesan na’in ba rai ne’e. (Lee notísia seluk iha Jornál Timor Post/Asesu You tube Timor Post)  

No More Posts Available.

No more pages to load.