Rajaun husi Membru PNTL Liu Atus Rua Seidauk Simu Vasina

by -249 views
Imajen ne'e hatudu mediku sira vasina membru PNTL. Foto Midia PNTL

Jornalista Jaime Pires / Editór Noémio Falcão

DILI (Timor Post) — Porta-vóz Komandu Jerál Polísia Nasionál Timor-Leste (PNTL), Superintendente Xefe Arnaldo de Araújo fó rajaun membru sira liu atus rua seidauk simu vasina kontra moras daet COVID-19 tanba baun moras komplikadu, isin rua, oan nurak, tensaun no moras seluk.

“Barak mak simu ona vasina, enkuantu hela de’it na’in-atus-rua-resin mak seidauk simu vasina,” Komandante Arnaldo informa iha konferénsia imprensa ne’ebé realiza iha Kuartél Jerál PNTL, Kaikoli, Dili, Tersa (12/10/2021).

Maske nune’e, Arnaldo dehan, fulan oin komandu lansa klínika mobile iha territóriu atu kontinua fasilita vasina ba membru sira hotu.

“PNTL tenke simu hotu vasina, tanba PNTL mak ema primeiru hamriik iha fatin risku hodi hasoru COVID-19 ida ne’e, tanba ne’e vasinasaun ne’e importante,” Arnaldo subliña.

No More Posts Available.

No more pages to load.