Railakan Fera iha Austrália, Família Simu ho Mata-been

by -1.173 views
Foto Espesial

Jornalista Jaime Pires / Editór Noémio Falcão

Dili (Timor Post)–Traballador timoroan ne’ebé railakan fera semana hirak liu ba ho nia kolega na’in-rua iha toos laran sira nia servisu fatin iha Austrália to’o iha Dili no família sira simu iha Aeroportu Internasionál Nicolau Lobato ho mata-been.

Traballador ho naran Gerónimo de Deus husi Munisípiu Ermera hakotu iis iha loron 27/11/2021 hafoin evakua husi fatin akontesimentu ba Ospital Royal Darwin hamutuk ho nia kolega Filomeno de Deus ho Joanico Piedade.

Timoroan na’in-tolu servisu iha empreza TMP, Berry Springs.

To’o iha Dili, governu liuhusi Sekretaria Estadu Formasaun Profesional no Empregu (SEFOPE) entrega mate isin ba família sira.

Diretór Nasionál Empregu Exteriór SEFOPE, Filomeno Soares ba Jornalista sira bainhira ba simu matebian nia isin mate iha Aeroportu, Kinta (15/12/2021), subliña, prosesu transportasaun mate isin ne’e servisu hamutuk entre governu Timor Leste ho Austrália.

“Mensagen ba trabaillador timoroan sira ne’ebé dadaun iha Hela Austrália tantu Korea, tenki tuir nafatin ba normas balun ne’ebé SEFOPE foo hanesan motivasaun,” Filomeno hatete.

No More Posts Available.

No more pages to load.