Problema Ró Berlin Ramelau Iha Prosesu Investigasaun

by -483 views
Ro Berlin Ramelau

(Reportajen Cardenio Alves/Editor Mateus da Cruz)

DILI (Timor Post)-Kazu Ró Berlin-Ramelau soke iha Portu Iwao Kitahara Mahata, iha loron Domingo 17 Abríl 2022, iha Rejiaun Administrative Espesiál Oe-cusse Ambenu (RAEOA) ne’ebé rezulta kuak tolu, daudaun ne’e iha hela prosesu investigasaun.

“Situasaun ida ne’e ha’u nia audiénsia ho Primeiru Ministru iha loron hira liu-ba kotuk, Ha’u relata ba públiku katak labele halo repetesaun ba asuntu hirak nee”, dehan Ministru Transporte no Komunikasaun, José Agostinho da Silva, iha nia knaar fatin, Kaikoli, Kinta,(28/04).

Nia hatete, Ró Berlin-Ramelau ne’ebé hetan asidente sei iha prosesu investigasaun internal, nune’e husu ba Inspetór Jerál DNTT atu haree situasaun sira ne’e, hafoin bele halo indentifikasaun ba kauza husi akontesimentu.

Prosesu investigasaun nee atu haree impaktu ne’e mai husi klima ka natureza ruma, karik anin boot entaun durante ne’e anin nia velosidade nia knok hira atu públiku bele hatene, nune’e espera katak husi rezultadu investigasaun bele opta espíritu objetividade hotu hatuur los ka sala.

Nia dehan, Ró refere nee nu’udar sasán estadu ninian no kustu nee dolar millaun nune’e tenke asegura.

Ministériu Transporte no Komunikasaun kolabora oinsá maka bele fasilita programa ne’e la’o, nune’e públiku bele hatene konteúdu ba problema refere, karik sala ruma nee la’o oinsá ka viola regra ruma, nune’e prosesu ne’e tenke Lao nafatin to’o solusaun ikus.(Lee Notísias Seluk Iha Jornál Timor Post/ Asesu You Tube Timor Post)

No More Posts Available.

No more pages to load.