“Prioritiza Polítika Sustentabilidade Longo Prazu”

by -33 views
Munkhtuya Altangerel

Reportajen Rosa Garcia

DILI (Timor Post)-Reprezentante UNDP iha Timor-Leste, Munkhtuya Altangerel, hatete importante tebes iha polítiku di’ak ida hodi ajuda komunidade iha longo prazu liu liu sosa sira nia produtu lokál.

“Importante tebes atu iha longo prazu solusaun hodi suporta komunidade Agrikultór sira. Momentu ami ajuda komunidade afetadu inundasaun ho hahán produto lokál, produtu sira ne’e ami sosa hosi komunidade agrikultór hosi Baukau no Bobonaro. No agrikultór sira ne’e kontente, maibé hafoin ne’e laiha ema ida mak ba sosa sira nia produtu”, afirma nia.

Relasiona ho ne’e, Tuya husu atu polítika sustentabilidade ne’e tenke kontinua hala’o ba tempu naruk, nune’e bele ajuda ekonomia povu agrikultór sira nian.

Nasoens Unidas ba Programa Dezenvolvimentu iha Timor-Leste foka ba pillar tolu ne’ebé importante. Ida mak kona ba diversifikasaun ekonomia, segundu kona-ba rezilensia klimátika no ikus sira mós halo asisténsia ba governu liu liu Ministériu Estatal no Ministériu Obras Públika.

Liga ba diversifikasaun ekonomia, PNUD tau matan liu ba joven sira, liu-liu sira ne’ebé gradua ona hosi Universidade maibé laiha servisu, tékniku sira.

Bainhira husu kona-ba oinsá PNUD nia apoiu iha kalamidade foin lalais, Ema númeru un iha UNDP ne’e hato’o, momentu inundasaun nia rasik hamutuk ho nia ekipa servisu hamutuk ho voluntariu sira hosi Portugal tun direta ba iha Lagoa (Tasi-Tolu) hodi identifika problema no fó ajuda.

Apoiu sira mak alien ai-han sira mós oferese tanke bee ba komunidade balun ne’ebé afetadu, inklui ajuda solar ba sira ne’ebé nia liña eletsridade estragu kauza hosi inundasaun.

No More Posts Available.

No more pages to load.