Primeiru Ministru husu PNTL Mantein Disiplina

by -52 views

Timor Post (19/01/2021)-Primeiru Ministru no Ministru Interior Taur Matan Ruak, husu Polisia Nasionál Timor Leste (PNTL) mantein dixiplina, ierarkia no jere rekursu.

Xefe Órgaun Executivu hato’o orientasaun ne’e liuhosi enkontru ho Komandante Jerál PNTL, Komisáriu Faustino da Costa iha Palasiu Governu nian, Tersa (19/01).

“Ohin mai aprezenta situasaun atuál rai laran inklui servisu PNTL iha 2020, situasaun balun liga ho pandemia hanesan iha fronteira no situasaun nivel nasionál. Maibé simu orientasaun hosi Primeiru Ministru hanesan mós Ministru Interior, Taur Matan Ruak hodi orienta ba membru PNTL sira hotu ami simu orientasaun atu dixiplina, ierarkia  no jestaun rekursu”, informa Komisáriu Faustino hafoin hasoru PM  iha Palasiu Governu, tersa (19/01).

Alende ne’e Faustino informa ba Xefe Governu postu polisia balun iha fronteira aumenta ona iha fulan balun ba kotuk, no  sei aumenta tan postu vijilánsia iha tempu badak nia laran, inklui servisu PNTL ho koordenasaun ho autoridade sira iha area fronteira no lider Komunitáriu.

 Faustino informa  katak orsamentu ba planu postu foun ne’e iha ona orsamentu jerál estadu 2021 ne’e nia laran. Jornalista: (Jaime Pires, Editor Mariano Martins)