Prezu Na’in 10 Iha Suai Lakon Direitu Votu

by -289 views
Estabelsimentu Prizaun Suai. (Foto Ministeriu Justisa)

(Reportajen Cesaltina Ximenes/ Editor Mariano Martins)

DILI (Timor Post) — Diretór Estabelesimentu Prezional Suai, Julio Dias Ximenes, lamenta ho prezu na’in 10 tanba lakon direitu votu iha eleisaun prezidensiál ba period 2022-2027.

Lee Notísia Relevante: Naran Laiha, Eletór Barak Fila

Responsavel prejional iha munisípiu fronteira ne’e lamenta tanba nia parte husu ba Sekretaria Téknika Administrasaun Eleitorál (STAE) trata kartaun eleitorál prezu nian maibé la iha resposta.

“Hosi prizaun Suai atividade vota remata ona, maibé triste boot tanba ita nia sidadaun prezu na’in 10 mak lakon sira nia direitu ba vota, ida ne’e tanba sira administrasaun munisípiu no STAE mak la mai, maski ami nia karta ne’e tama kedas iha Fulan Janeiru”, dehan Julio Dias ba Timor Post iha loron votasaun, Sábadu (19/03).

Nia subliña karta ne’ebé antes prizaun haruka iha fulan Janeiru ne’e, husu atu ekipa STAE halo resenseamentu eleitorál iha prizaun tanba iha balu lakon.

Enkuantu total vontantes prezu iha prizaun Suai hamutuk na’in-111, Guarda na’in 37 maka ezerse sira nia direitu vota iha prizaun.

Sentru paralelu votasaun iha prizaun Suai-Covalima loke no vota iha (07h:00) remata (09h:00) no hein 15h00 maka halo kontajen tuir oráriu STAE no CNE fó sai.(Lee notísia seluk iha Joral Timor Post/Asesu You Tube)

No More Posts Available.

No more pages to load.