PR Hato’o Mensajen Importante ba Juis sira

by -92 views
Prezidente Tribunal Rekursu, Deolindo dos Santos. (Foto google)

DILI (Timor Post) — Prezidente Repúblika Francisco Guterres Lú Olo hato’o mensajen ba autór judisiáriu sira katak mezmu agora iha tempu férias judisiáriu, maibé tribunal tenke kontinua funsiona hodi atende povu atu hetan justisa.

Prezidente Tribunal Rekursu, Deolindo dos Santos, hatete Prezidente Repúblika hato’o lia hirak ne’e ba nia, bainhira nia hala’o enkontru Prezidente Repúblika iha palasiu prezidensiál.

Nia konta, iha hasoru malu ne’e, informa ba prezidente repúblika kona-ba ferias judisiáriu, ne’ebé sei monu iha loron un Augusto to’o 15 September, maibé kona-ba funsionamentu tribunal sei parsialmente, signifika tribunal sei funsiona ho forma ne’ebé maka mínimu, simu kazu urjente de’it.

“Prezidente nia liafuan ne’e mezmu feriadu judisiál, servisu urjente sira kontinua la’o atu sira ne’ebé maka buka justisa karik, presiza hetan atendementu nafatin, hosi tribunal sira,” nia hatete iha palasiu prezidensiál, Tersa (27/07).

“Ha’u hato’o ba prezidente katak kestaun ida ne’e sei asegura nafatin, tanba MAPA ferias juis sira ne’e konsellu maka aprova, entaun signifika mezmu ferias maibé servisu urjente ne’e la’o nafatin,” nia konta.

Husu kona-ba ezekusaun orsamentu jerál estadu 2020, Deolindo hatete, ezekusaun la’o hela, maka konstrusaun ba tribunal Dili nian, maka 25%, ne’ebé maka daudaun ne’e iha faze esforsu hela ezekusaun orsamentu ba obra ne’e bele hotu iha tinan ida ne’e.

“Para ba tinan oin ne’e prevee fali orsamentu ne’e ba obra ne’e nafatin, maibé ho prosesu ne’ebé maka diferente,” nia hakotu.(ven)

No More Posts Available.

No more pages to load.