Postu Maubisse Organiza Jogu Komunitária, “Paz no Amizade maka Lori Timor ba Oin”

by -519 views
Foto Espesial

Maubisse (Timor Post)—Postu Administrativu Maubisse, Munisípiu Ainaro organiza jogu komunitária iha kampu Maubisse Villa, nu’udar kontinuasaun husi selebrasaun loron 28 Novembru-Proklamasaun Independénsia Timor Leste ba-dala-46.

Jogu komunitária ne’e hahú loke offisiál husi Administradór Postu Administrativu Maubisse, Luis Casimiro Lopes iha loron Segunda (6/12/2021), akompaña husi Administradór Ospitál Referál Maubisse, Komandante Eskuadra Maubisse no Reprejentante Sekretaria Estadu Juventude no Desportu (SEJD) Munisípiu Ainaro.

Klubu hamutuk 26 husi suku sira iha Postu Maubisse maka rejista hodi kompete iha jogu komunitáriu ne’e.

Administradór Luis iha nia intervensaun subliña, jogu iha kampo la’ós inimigu maibé amizade. Tanba ne’e, nia husu ba foinsa’e sira hotu atu mantein nafatin disiplina durante jogu, tuir regra hotu ne’ebé iha hodi manan ho kualidade no valór boot liu.

“Jogu ne’e amizade entre bairro iha Maubisse no suku sira. Paz no amizade mak lori Timor ba oin,”  Administradór Luis subliña.

Nia hatutan, polísia maka fó seguransa maibé di’ak liu maka ema ida-idak mantein kolaborasaun ho konsiénsia importante tebes.

Nu’udar mos Prezidente Komisaun Organizadora ba Jogu Komunitária ne’e, Administradór Luis  klarifika, orsamentu husi SEJD Dolar Amerikanu liu rihun neen nia ezekusaun inklui prepara taxa ba manan na’in sira no fasilita komisaun ba realizasaun eventu ne’e.

Jogu komunitáriu ne’e iha modalidade, futebal, volly no dada-tali.

Klubu sira halo jogu iha loron dahuluk, FC KURASU Vs FC BDP, FC HUNABU Vs FC MAUDOKO no FC MANETU Vs FC EDI.

Klubu 26 ne’e maka hanesan:

  • FC REFAT
  • FC MARIL
  • FC AITUTO
  • FC MAGEFUR A
  • FC BASA LIMAN
  • FC TARTEY A
  • FC KURASU
  • FC HUNABU
  • FC BDP
  • FC MAUDOKO A
  • FC MAUDOKO B
  • FC MANETU
  • FC FOLAK A
  • FC BIFHTIK
  • FC POMA
  • FC MAUBISSE CITY
  • FC SAKOKO
  • FC HATUFAE
  • FC RD DAVID
  • FC HOSKAR
  • FC RELI
  • FC ASTUKA
  • FC FOLAK B
  • FC MAGEFUR B
  • FC JTM UNITED
  • FC HELDO

Reportajen Noémio Falcão

No More Posts Available.

No more pages to load.