Posibilidade Boot, Eleisaun Segundu Rounde PD Apoiu Kandidatu José Ramos Horta

by -1.922 views
Kandidatu Prezidente Republika ho numeru sorteiu 14,Ramos Horta (karuk),Kandidatu Mariano Asanami Sabino (klaran) no Kay Rala Xanana Gusmao (loos), Imajen Esp

(Reportajen Jaime Pires, Cardenio Alves/Editor Mateus da Cruz)

Dili (Timor Post)-Posibilidade boot Partidu Demokrátiku (PD), sei apoiu kandidatu Prezidente Repúblika, José Ramos Horta, iha eleisaun segundu rounde.

Deklarasaun ne’e hato’o husi Sekretáriu Jerál Partidu Demokrátiku (PD), António da Conceição ‘Kalohan’ liuhusi Konferénsia Imprensa ne’ebé mak realiza iha Sede Partidu (PD), Kolmera Tersa (22/03).

“Ami nia avaliasaun ohin, hanesan ami nia kandidatura sempre ko’alia povu nia lian Maromak nia lian, entaun indikasaun ne’ebé mak iha, ne’ebé lori ona 300 ital mil votu ba kandidatu Ramos Horta manifesta saida mak númeru ne’e ko’alia katak maioria povu nia lian iha hela ona Horta, entaun ida ne’e mós lian ida Maromak ninian,” nia dehan.

Nia hatutan, tanba ne’e mak karik iha segunda volta, sira nia parte sei respeitu povu nia lian ida ne’e nafatin, tanba ida ne’e mak opsaun Polítika ida ne’ebé mak halo.

“Ida ne’e ami halo la’ós tanba ami nia preferénsia ba kandidatu rua ne’e, maibé ami nia preferénsia ba ho povu ninia lian, katak ida ne’ebé mak boot liu ida ne’e mak povu ninia lian no Maromak ninia lian,” tenik Nia.

Maibé daudaun ne’e sira seidauk bele hola desizaun maibé, antesipa ona orasida lokraik enkontru iha ona desizaun final ida katak sei akontese segundu volta, hafoin sira nia estrutura no konsellu partidu sei hamutuk ho Prezidente Partidu hodi hola desizaun ruma.

Nia hatutan, tanba atu tama segundu rounde ka seidauk ne’e desizaun seidauk iha, tanba Tribunal mak sei fó sai rezultadu, tanba ne’e sira mós seidauk deside atu apoiu ba se karik mosu segunda volta.

No More Posts Available.

No more pages to load.