Populasaun Dili 86.000 Simu Ona Vasina AstraZeneca

by -67 views
Diretora Saude Munisipiu Dili, Agustinha Segurado

(Jornalista Florindo Coluna/Editór Mario da Costa)

DILI—(Timor Post) – Governu liuhosi Ministériu Saúde, implementa Vasina AstraZeneca kuaze fulan rua resin, maibé to’o iha dia 14/06 total populasaun munisípiu Dili nia partisipasaun hodi simu vasina ne’e foin atinji 86.000 husi total populasaun kuaze rihun 300.

Kestaun hirak ne’e Diretór Saúde Munisípiu Dili, Agostinha Segurado, hato’o ba jornalista katak, númeru partisipasaun povu ba vasina ne’e seidauk to’o iha tarjetu Saúde Munisípiu Dili nian katak loron ida tenke atinji 5.000 partisipante.

“Ha’u hakarak atu hato’o katak to’o segunda, 14/06, ne’e ita iha ona 86.000 ba iha populasaun Dili de’it, ne’ebé partisipa vasina AstraZeneca, Covac no AstraZeneca Australia nian,” nia hatete ba Timor Post iha nia kna’ar fatin.

“Ha’u atu hatete de’it, ita la-konsege atinji 5.000 poor dia iha Munisípiu Dili, maibé ita bele konsege atinji ona 86.000,” Agostinha hatete.

Nia hatutan, populasaun Dili simu ona Vasina 37%, aumenta tan hahú ho vasina Sinovac iha segunda, 14/06 ne’e aumenta númeru partisipante hetan 2.000 ital.

Tanba ne’e Diretór Saúde munisípiu Dili, iha esperansa katak loron-loron sei hetan mudansa kona-ba partisipasaun povu hodi simu vasina para hodi bele hetan prosesaun ba Covid-19.

“Ita sei iha esperansa boot ida katak munisípiu Dili ho komunidade ba grupu alvu 213.800 pesoas, ita bele hetan semana rua ne’e atinje atu ema hotu-hotu bele iha ona prosesaun ba Covid-19,” Agostinha esplika.

Entaun Autoridade suku no aldeia, OPS, delegadu no delegada Juventude sira para atu la’o tuir mata dalan sira ne’e atu apoiu saúde liu husi informasaun no mobilizasaun komunidade mak importante. (Lee Notísia Seluk iha Jornal Timor Post)

No More Posts Available.

No more pages to load.