ADVERTISEMENT

Lideransa Feto ho 4% Eleitu ba Xefe Suku 2023-2030

Marcos Fernandes - Nasionál · Polítika
Jornalista : Marcos Fernandes
  • Share
Lideransa Feto Ne'ebe Eleitu ba Xefe Suku Foun Periodu 2023-2030

Dili(timorpost)— Tuir dadus ne’ebé Sekretária Estadu ba Igualdade (SEI) asesu husi CNE katak, Lideransa Feto hamutuk na’in-18 mak eleitu ba Xefe-Suku (4%).

Sekretária Estadu ba Igualdade, Elvina Sousa Carvalho, fó parabéns ba feto ho porsentu haat (4%) ne’ebé mak eleitu xefe suku ba períodu 2023 to’o 2030.

ADVERTISEMENT
SCROLL FILA BA NOTISIA


Sekretária Estadu mós hakarak hato’o parabéns ba iha Ministériu Administrasaun Estatál, liuhosi STAE ne’ebé realiza ona eleisaun Xefe Suku iha territóriu Timor laran tomak ho di’ak no susesu tebes.

Hakarak hato’o mós agradesimentu ba iha Instituisaun Seguransa no Defeza ne’ebé asegura no fó seguransa di’ak ba eleisaun suku no ba joven mane, joven feto, ferik-katuas no inan feton sira, portadór/a defisiénsia no komunidade hotu hodi partisipa iha Eleisaun Suku ne’ebé la’o ho susesu.

Lee Mós :
Angela: Lere Lalika ‘Subar’ iha Farda
Lista Lideransa Feto Eleitu ba Xefe Suku ba Periode 2023-2030

Tuir dadus ne’ebé SEI asesu husi CNE katak husi Totál suku 452 iha territóriu Timor laran, iha suku 442 mak tinan ida-ne’e hili nia Xefe-Suku foun, entretantu suku 10 seluk laiha eleisaun ba xefe-suku, tanba konsidera hanesan suku foun.

Hosi totál suku 442, kandidatu/a  ka lideransa lokál hamutuk ema na’in 2,105 mak rejista, no kompostu husi Feto na’in 241 (11%) no mane hamutuk 1,864 (89%) mak kompete iha eleisaun suku ne’e.

Iha Eleisaun Suku ne’e, hosi totál Suku 442 iha suku 263 mak avansa ba Segunda Volta, entretantu suku 179 mak la avansa ba Segunda Volta, tanba iha primeiru Volta hetan ona xefe-suku eleitu sira.

Lee Mós :
CNE Realiza Workshop Kona-Ba Elaborasaun Planu Estratéjiku Tinan 2023-2028

Husi totál suku 442, provizóriamente iha ona rezultadu ne’ebé hatudu katak Lideransa Feto hamutuk na’in-18 mak eleitu ba Xefe-Suku (4%) mak hanesan, Munisípiu Aileu iha Xefe-Suku Feto Eleitu hamutuk na’in-haat, Ainaru na’in-ida, Baukau na’in-haat, Bobonaru na’in-ida, Covalima na’in-ida, Dili na’in-tolu, Ermera na’in-ida, Manatutu na’in-rua no Manufahi na’in-ida.

Kompara ho Xefe-Suku Feto períodu liubá, períodu ida-ne’e númeru xefe-suku feto ne’ebé eleitu tun ho persentajen 1% (iha períodu 2016-2023 Xefe-Suku Feto na’in 21 ka 5%).

Sekretária Estadu ba Igualdade (SEI) hanesan Instituisaun Estadu ne’ebé Koordena no halo advokasia ba iha parte hotu nafatin enkoraja no promove partisipasaun Lideransa Feto sira iha nivel foti-desizaun tantu nasionál no lokál.

Lee Mós :
Partidu CNRT Halao ona Konferensia Nasional, Deklara Mantein AMP no Forma Governu Dasia

Esperiénsia ne’ebé Lideransa Feto sira hetan iha Eleisaun Xefe-Suku períodu ida-ne’e nafatin sai lisaun no preferénsia ba Lideransa Feto ho Potensialidade sira atu haka’as an nafatin, labele dezanima no iha prontidaun nafatin atu kompete no okupa iha kualkér pozisaun foti-desizaun nian.

Parabéns ba Xefe-Suku Eleitu sira liuliu ba Xefe-Suku Feto. Povu hein ita-boot sira-nia servisu maka’as hodi dezenvolve ida-idak nia suku tuir kompromisu ne’ebé hato’o ona liuhusi programa sira.

Notísia ne’e asesu liuhosi pájina facebook, Sekretária Estadu ba Igualdade (SEI) nia pájina, Tersa (14/11).

 1,661 total views,  18 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Lideransa Feto ho 4% Eleitu ba Xefe Suku 2023-2030” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No