Dili (timorpost.com)—Iha reuniaun ho Xefe Prokuradór ba Tribunál Penál Internasionál–TPI/ International Criminal Court – ICC, Karim Khan iha Sede ONU iha Nova Yorke, 24 Agostu 2023, Prezidente José Ramos-Horta hato’o preokupasaun boot kona-ba violénsia no abuzu ba direitu umanu iha Myanmar.
“Ha’u husu Prokuradór Khan atu dezempeña papél lideransa hodi garante responsabilidade hosi autór ba krime sira ne’e”. sita Timorpost iha Konferensia ho Xefe Prokuradór ba Tribunál Penál Internasionál–TPI/ International Criminal Court – ICC, Karim Khan iha Sede ONU iha Nova Yorke, 24 Agostu 2023.
PR Horta haktuir, TPI mak úniku tribunál permanente iha mundu ho jurisdisaun hodi prosesa indivíduu sira ne’ebé komete jenosídiu, krime kontra umanidade no krime funu nian.
Tribunal ne’e mós iha papél vital hodi promove responsabilidade no disuazaun atrosidade sira iha futuru.
Prezidente Horta apelu atu TPI esforsu hodi husu responsabilidade iha Myanmar oportunu no importante.
TPI mak iha pozisaun únika hodi investiga no prosesa autór ba krime sira ne’ebé grave liu, hodi hatán ba justisa.
Deklarasaun Prezidente Horta mak xamada forte ba komunidade internasionál atu la tuur nonook hasoru atrosidade iha Myanmar.
TPI dezempeña papél vital hodi garante responsabilidade no hapara atrosidade sira iha futuru.
2,325 total views, 12 views today
Bele hare Video Seluk :
Subscribe to Timorpost
