ADVERTISEMENT

STAE Munisípiu Dili Distribui Material ElPar ba SV no EV Sira

Marcos Fernandes - Dili · Polítika
Jornalista : Amelia Soares Babo
Editor : Marcos Fernandes
  • Share
Prezidente Autoridade Munisípiu Dili (PAMD), Guilhermina Filomena Ribeiro, Prezidente CNE, Jose Belo, Diretor STAE Munisipiu Dili, Mariano de Deus. Imajen Amelia Soares Babo

Dili(Timorpost.com)—Sekretáriu Tékniku Administrasaun Eleitorál (STAE) no Komisaun Nasionál Eleitorál (CNE) distribui material sensitivu no no-sensitivu Eleisaun Parlamentár  2023 ba Sentru Votasaun (SV) hamutuk 147 no Estasaun Votasaun (262) iha munisípiu Dili.

“Ohin komemora loron importante loron 20 fulan Maiu Restaurasaun Independénsia ba da-21, hodi valoriza eroi sira nia sakrifísiu ne’ebé iha tempu pasadu no ita fó omenajen ba nia luta, no mós ohin ita hamutuk ho STAE no CNE halo distribuisaun materiál sensitivu no non sensitivu ba sentru votasaun no sentru votasaun sira munisípiu Dili nian ne’e”, Informa PAMD, Guilhermina Filomena Ribeiro, ba, Timor Post iha edifísiu INFORDEPE Dili, Sábadu (20/05/2023).

ADVERTISEMENT
SCROLL FILA BA NOTISIA


Nia dehan,  ohin loron ba povu Timor-Leste maibé, aban mós loron importante ba sidadaun ho idade 17 ba leten hodi ezerse sira nia diretu liuhosi votu ba partidu ida idak hodi termina destinu ba tinan nian.

Lee Mós :
Xefe Estadu Rona Prosesu Realizasaun Ritual Kandidatura

Ikus liu nia husu, ba parte kompetente PNTL, CNE. STAE observadór Nasionál, Fiskais, Poling Staff servisu ho profisionál, neutralidade, balansu, kredivel brani foti desizaun ruma atu nune’e votu ne’ebé sidadaun sira fé ne’e iha benefísiu no iha valor.

Iha fatin hanesan Prezidente CNE, José Belo, reforsa, ohin loron importante tebes ba povu Timor-Leste, maibé oportunidade ida ne’e  hodi distribui material sensitivu no non sensitivu ba sentru votasaun hamutuk 147 iha postu administrativu lima iha munisípiu Dili.

Tanba ne’e mak ba observadór, no fiskais sira servisu ho imparsialidade hodi garantia votu ne’e folin nune’e buat hotu bele hatudu rezultadu di’ak liuhosi partidu ida ne’ebé manan hodi ukun tinan lima nia laran atu dezenvolve rai ne’e ho di’ak.

Lee Mós :
PM Taur La Konkorda Atu Sosa Tan Tratór Foun

Nune’e mós Diretór STAE munisípiu Dili Mariano de Deus haktuir, ohin sira distribui, material sensitivu no non sensitivu ba sentru votasaun hamutuk 147 no ba estasaun votasaun hamutuk 262.

“Ohin ita marka istória boot ida iha Timor, ita halo distribuisaun material sensitivu no no-sensitivu ba postu administrativu Metinaru, Kristu Rei, Nain Feto, Vera Cruz no Dom Aleixo, total Sentru Votasaun (SV) hamutuk 147 no Estasaun Votasaun (262) iha munisípiu Dili”, dehan Diretór STAE Munisípiu Dili, Mariano de Deus.

Nia hatete, Brigada hamutuk na’in-147 ho ofisial eleitorál hamutuk na’in-2620 ba iha postu administrativu lima iha munisípiu Dili, atu nune’e aban sidadaun hotu bele ba tuir eleisaun hodi ezerse sira nia diretu.

Maski ohin loron importante ba povu, maibé aproveita mós oportunidade ida ne’e hodi distribui ekipamentu esensiál sira ba sentru votasaun sira iha Dili laran hodi fasilita komunidade feto no mane idade 17 ba leten hodi ezerse sira nia diretu.

Lee Mós :
Pasiente Kankru Serviks Na’in Tolu Halo Tratamentu Iha HNVG

“Tanba ne’e  mak ha’u garantia katak, Brigadista no observadór sira hatudu sira servisu ho profisionál ho balansu hodi asegura votu ne’ebé sidadaun sira ezerse ho folin hodi termina ba governu foun”, nia garantia

Observasaun Diáriu Timor Post asesu iha terrenu oras tuku 9:30 STAE, CNE, observadór Nasionál no internasionál brigadista, polísia postu administrativu lima no administradór postu, xefe suku sira mai direta iha INFORDEPE hodi foti material eleisaun nian lori ba sentru votasaun ida idak.

 1,136 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “STAE Munisípiu Dili Distribui Material ElPar ba…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No