Dili (timorpost.com)—Deputada hosi Partidu Kongresu Nasionál Rekonstrusaun Timor (CNRT-Sigla Portugés), Carmelita Moniz, husu sosiedade Sivíl nia auditoria sosiál to’o iha ne’ebé no imput ba governu ba Dezenvolvimentu Nasaun ne’e mak ida ne’ebé.
Nia dehan, sosiedade sivíl nia kontrolu sosiál to’o iha ne’ebé no osan mós estadu tau ba auditoria sosiál sira nia imput ba iha kualkér Governu solusaun ida loloos ba dezenvolvimentu nasaun ne’e mak ida ne’ebé.
“Ha’u deputada to’o agora, maibé seidauk hetan rekomendasaun klaru ida, rekomendasaun ida ne’ebé atu dehan loloos nia hosi sosiedade sivíl ba iha solusaun ne’ebé governu ida foti hodi ba halo dezenvolvimentu ou kontinuasaun dezenvolvimentu iha nasaun ida ne’e”, dehan Carmelita Moniz, ba Jornalista sira Bankada CNRT, Tersa (16/05/2023).
Nia hatete, estadu tau osan ba sosiedade sivíl atu halo ida ne’e, nia dehan seidauk hetan rekomendasaun konkreta ida, parese fó ba governu, maibé dala-ruma governu mak atribui ba parlamentu karik.
“Maibé ha’u seidauk haree, ha’u deputada to’o agora ne’e ita tau osan ba sosiedade sivíl liu-liu hosi komisaun A, tau osan ba auditoria sosiál ba sosiedade sivíl to’o agora ha’u seidauk haree rekomendasaun ka relatóriu hosi auditoria sosiál ho nia rekomendasaun konkreta mai iha PN kona-ba dezenvolvimentu nasaun nian”, nia dehan.
Nia deklara, respeita maluk sosiedade sivíl sira ne’ebé hamutuk nafatin ho PN halo fiskalizasaun ida di’ak ba povu no sira mós tenke uza sira nia papél ho di’ak no nakonu ho profisionalizmu.
Sosiedade Sivíl la bele ba fali parte ida, sosiedade sivíl ida uluk CNRT ukun ne’e sosiedade sivíl hakilar, forte no brani, más sosiedade sivíl ida agora ne’e lae.
“Ha’u seidauk hare sosiedade sivíl ida forte, ko’alia mak hanesan ne’e de’it maibé ha’u la haree”, nia subliña.
1,621 total views, 3 views today
Bele hare Video Seluk :