ADVERTISEMENT

Xanana: CNRT La Halo Koligasaun Pre-Eleitorál

Mario da Costa - Polítika
Jornalista : Mariano Abi
Editor : Mario da Costa
  • Share
Prezidente Partidu Kongresu Nasionál Rekonstrusaun Timorense (CNRT), Kay Rala Xanana Gusmão, ho Estrutura Partidu CNRT, hafoin hasoru malu ho Xefe Estadu, iha Palasiu Prezidensial, Bairru-Pite, Sesta (03/02), Imajen Esp.

DILI (timorpost.com) — Konsultasaun ho Prezidente Repúblika, José Ramos Horta ba Eleisaun Parlamentár 2023, Prezidente Partidu Kongresu Nasionál Rekonstrusaun Timorense (CNRT), Kay Rala Xanana Gusmão, hatete sira sei la halo koligasaun pre-eleitorál.

“Koligasaun antes ne’e erru ida ne’ebé ami komete iha tinan 2018, koligasaun pre-eleitorál ne’e kesi metin loos, ne’ebé eleisaun tiha ita labele book an ona, tanba atu forma Governu ne’e tenke ser liuhusi Primeiru Ministru, buat sira ne’e hotu komplikadu tebes, ne’ebé CNRT aprende ho nia erru rasik, laiha koligasaun pre-eleitorál, tanba povu mak hili,” nia hateten hafoin enkontru ho Xefe Estadu, iha Palásiu Prezidensiál, Bairru-Pité, Sesta (03/02).

ADVERTISEMENT
SCROLL FILA BA NOTISIA


Lee Mós :
Atu Marka Loron Eleisaun Parlamentár, Diferensa Interpretasaun Konstituisaun

Nia dehan, kona-ba enkontru ho PR Horta ne’e katak, hanesan ema hotu-hotu hatene katak, Prezidente iha kalendáriu ida maka audiénsia ba partidu sira, ne’ebé ohin loro-kraik ne’e bolu Partidu CNRT.

“Partidu CNRT, iha nia estrutura másima, iha partikulár maka Komisaun Polítika Nasionál (CPN) ne’ebé ami mai hotu hodi reprezenta Partidu”, nia hateten.

Prezidente Partidu Kongresu Nasionál Rekonstrusaun Timorense (CNRT), Kay Rala Xanana Gusmão, ho estrutura partidu CNRT, foto hamutuk ho Prezidente Repúblika, José Ramos Horta, hafoin soru-mutuk iha Palásiu Prezidensiál, Bairru-Pité, Sesta (03/02), Imajen Esp.

Nia hatutan, soru-mutuk ne’e kona-ba kalendáriu Prezidente nian ne’ebé audiénsia ba partidu polítiku sira, seluk audiénsia ne’e kona-ba loron atu Prezidente marka Eleisaun Parlamentár.

Lee Mós :
Xanana: Ha'u Konfunde Hó Lei LEO

“Ami mai hato’o ami-nia hanoin, Prezidente mós ko’alia kona-ba ida ne’e, ami halo ho Prezidente katak tuir siklu Eleitorál tinan lima-lima, se iha 2018 hala’o eleisaun iha fulan Maiu, ne’e mak siklu Eleitorál ne’e iha fulan Maiu 2023 tenke halo,” Xanana relata.

Nia subliña, sira mós rona, jornalista sira mak fó sai husi jornais sira buat sira ne’e hotu, husi ne’e mós membru Governu balu ko’alia kona-ba iha Setembru halo ida ne’e, halo ida ne’ebá, ne’e mak sira mai hodi hatudu katak, funsaun polítika mós halo ida-idak nian, sira mós halo diskusaun iha sira-nia Sede, para haree ema sira ne’e iha razaun atu bele dehan tenke adia ka halo nusa.

Lee Mós :
Ezemplu Di’ak Husi Atuál SEKOMS

“Ami sente dehan laiha razaun atu adia tanba iha Konstituisaun dehan mandatu tinan 5, ne’e mak Prezidente rona tiha ona ami-nia opiniaun, buat sira ne’e agora ita hein de’it para bainhira mak marka loron eleisaun ne’e,” Xanana hakotu.

 3,092 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Xanana: CNRT La Halo Koligasaun Pre-Eleitorál” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No