ADVERTISEMENT

Demonstrasaun AMN Kontra PN Nia Desizaun Sosa Karreta Lux Sport No Laptop: Racionalidade Polítika Vs Moralidade Polítika

Timor Post - Opiniaun · Polítika
  • Share
Domingos Maia

Universitáriu sira, ho dalan oi-oin, halo demonstrasaun dame, bei-beik ona,  protesta hasoru PN nia desizaun ne’ebé, tuir sira haree, gasta osan-boot povu nian ba de’it interese grupu ki’ik nian. Ezemplu:

-Karreta sira PN nian, uluk, iha governasaun kotuk, ladauk fó-fila karik?

ADVERTISEMENT
SCROLL FILA BA NOTISIA


-Pensaun vitalísia, uih, sei kumu-metin hela; no sei la fó biban atu halakon tan benefisia hela sira.

-Sei deside sosa tan meiu transporte karreta lux sport foun no laptop sira; nune’e, hatudu katak lei sai tiha fali instrumentu halutu-an metin, leet laek atu ema- seluk koko tama ba sobu.

Sira uza hela razaun lójika (racio) ka rasionalidade polítika hodi ba hasouru moralidade polítika, basá kbiit legal iha nanis sira liman atu deside sosa no sei sosa duni ho desizaun polítika ne’ebé sai hanesan instrumentu legal ida garantidu husi PN; katak sei manan ho votu-maioria parlamentár atu sosa.

Lee Mós :
PN Autoriza Vizita PR Horta ba Australia ho Amérika

Kestaun ne’ebé konsidera injusta ba públiku no demonstrate sira maka:

-Sei iha ka lae senso ka konsiénsia-moral husi fuan no neon-kle’an na’i no inalou deputadu/a sira atu luta hasousu atitude ida natural umana ganansioza ba matéria ka materialista? Ou sei iha maibé sai mihis tiha ona karik? Basá sira la konsente ona katak sira-nia neon iha akuzasaun?

Belun neon-na’in sira: bainhira sira uza lójika mak, klaru, objetivu sosa karreta atu tuun ba fiskalizasaun iha baze ba projetu sira; ne’e lójiku atu konvense ema fiar ba. Maibé karik, se fihir didi’ak haksunik hela iha laran razaun seluk maka: Polítika atu ukun nian. Katak El Par mai, sei luta soi biban atu ukun tan;

Lee Mós :
Parlamentu Nasionál Kontinua Diskute Lei Direitu ba Autór

basá, hanoin took, iha polítika, indivíduu ka grupu polítiku ida ne’ebé mak atu lolo de’it ukun ne’e nú oferta-murak ida ba grupu partidáriu-seluk? Tan ne’e, se ema ida la soi karater ambisiozu, lalika mehi mete ba polítika ho hakaran ukun Nasaun RDTL. Ida ne’e mak sentidu pozitivu polítika nian.

Maibé Iha mós motivu polítiku-fo’er ka negativu. Maski parte ida ne’e, baibain, haksunik hela molok no durante kampaña polítiku sira. Maibé tama tiha ona ba ukun mak foin hamosu-an sai malorek iha lala’ok no hahalok sira hodi haree momoos ema matan-melek matenek sira.

Ne’ebé, belun sira: luta ne’e tenke kontinua, basá ezijénsia-moral ne’e devér prestativu ida ba Maromak; la’ós ba ema no mundu. Maski karik ladauk manan justisa, oras ne’e, maibé lialoos sei hamriik-metin nafatin no ezije julgamentu -moral nian ba indivíduu ka klibur pratikante sira.

Lee Mós :
BENEFISIU BA TIMOR LESTE  WAINHIRA SAI MEMBRU ORGANIZASAUN MUNDIAL KOMÉRSIU

Mundu ne’e hakonu ho nia oan sira ne’ebé matenek liu oan sira roman lalehan nian. Se eziste justisa no injustisa, mak eziste mós lalehan (como prémio) no inferno (como castigo).

Luta ba justisa fiar katak soi kbiit Leten aas nian atu haburas nafatin, basá moris-fiar ne’e luta-naruk (vivência da fé cristã) houri uluk, oras ne’e, no ba oin nafatin. Amin. (**)

 3,745 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Demonstrasaun AMN Kontra PN Nia Desizaun Sosa K…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No